ବୁଦ୍ଧ ବନ୍ଦନା

      ଯାଗଯଜ୍ଞ ନାମେ ପଶୁବଧ ହେଲା

            ନିନ୍ଦା ହେଲା ଚତୁର୍ବେଦ

      ଏହା ତ ଅଟଇ ଅଧର୍ମରେ ଗଣା

             ପାପଙ୍କ ମଧ୍ୟେ ପ୍ରମାଦ l

       ବୁଦ୍ଧ ଅବତାର ଜୀବଙ୍କୁ ଉଦ୍ଧାର

             ଧରି ଥିଲ କଳେବରେ

       ଧର୍ମକୁ ରଖିଲ ଯୁଗ ଅବତାର

             ଜୟ ଜଗଦୀଶ ହରେ l

       କରୁଣାବତାରେ ଏ ସାରା ସଂସାରେ

               ପ୍ରଚାରି କରୁଣା ବାଣୀ

       ସତ୍ୟ,ଶାନ୍ତି,କ୍ଷମା ମୂଳମନ୍ତ୍ର ପ୍ରଭୁ

              ଧର୍ମ ସଂସ୍ଥାପିଲ ଆଣି l

       ଅଧମ ନର ମୁଁ ଅଧର୍ମେ ଚାଲିଛି

              ଅଶେଷ ପାତକ ବହି

    ହୀନ କଳେବରେ ପାପପଙ୍କ ଘୋରେ

             ପଡ଼ି ଡାକେ ତ୍ରାହି ତ୍ରାହି l

     ଅନ୍ତରଯ୍ୟାମୀ ହେ ପ୍ରଭୁ ଭାବଗ୍ରାହୀ

             ବରଷି କରୁଣା ବାରି

       ପତିତପାବନ ପାବନ କର ଏ

           ପାପୀ ଜୀବ ଯାଉ ତରି l