କଳାକୃଷ୍ଣ କମଳ ଆଖି
କଳାକୃଷ୍ଣ କମଳ ଆଖି
କଳା କୃଷ୍ଣ କମଳ ଆଖି,
କନକ ବରଣି କମଳା ବରିଲ,
ବାରିଜ ବାସିନୀ ବାରିଜ ଆଖି ll
କଳ୍ପବଟ ମୂଳେ ଦେଉଳ ତୋଳିଲ
ଭୂଷୁଣ୍ଡା ଭୂଷଣ୍ଡ ରହିଛି ସାକ୍ଷୀ l
ବନ୍ଦିି ଘରେ ଜନ୍ମି ଗୋପରେ ବଢ଼ିଲ
ତାଟକାହୋଇଲେ ମାଆ ଦେବକୀ l
କଳା କୃଷ୍ଣ କମଳ ଆଖି ll
ମାଟି ଖାଇ ପାଟି ମେଲି ଦେଖାଇଲ
ଚୋଉଦ ବ୍ରହ୍ମାଣ୍ଡ ତୁମ୍ଭ ଆଇକି l
ଭାରତ ଯୁଦ୍ଧରେ ଭରତିଆ ପକ୍ଷୀ
ରଖିଥିଲ ତୁମ୍ଭେ ଘଣ୍ଟ ଘୋଡ଼ିକି l
କଳା କୃଷ୍ଣ କମଳ ଆଖି ll
ଦୂତ ପଣେ ପ୍ରଭୋ ହସ୍ତିନାକୁ ଗଲ
ବିଦୁରଙ୍କ ଘରେ ପଖାଳ ଚାଖି l
ଦଣ୍ଡକ ଅରଣ୍ୟେ ବାସ କଲ ତୁମ୍ଭେ
ଶବରୀ ଖୋଇଲା କୋଳି ଚାଖିକି l
କଳା କୃଷ୍ଣ କମଳ ଆଖି ll
ଆର୍ତ୍ତେ ଡାକେ ପୁଣି ଦ୍ରୁପଦ ନନ୍ଦିନୀ
କୋଟିବସ୍ତ୍ର ଦେଲ ପଶାଖେଳେ କି l
ଚତୁର ଚତୁରେ ଗଲ ମଧୁ ପୂରେ
ମଞ୍ଚୁ ପଡ଼ି ମଲା ମାମୁଁ କଂସ କି l
କଳା କୃଷ୍ଣ କମଳ ଆଖି ll
ଆହେ ଜଗନ୍ନାଥ କାଳିଆ ସାଆନ୍ତ
ତୋ ପରି ସାମନ୍ତ କିଏ ଅଛି କି l
ତୁମ୍ଭେ ଥାଉଁ ଥାଉଁ ଆହେ ମହାବାହୁ
ଆନ ଆଶ୍ରେ ଯିବି କାହିଁପାଇଁକି l
କଳା କୃଷ୍ଣ କମଳ ଆଖି ll