ମେରୀ ମାଟି ମେରୀ ଦେଶ
ମେରୀ ମାଟି ମେରୀ ଦେଶ
ମେରୀ ମାଟି ମେରୀ ଦେଶ
କି ସୁନ୍ଦର ତା'ର ବେଶ ।
ନଦୀ ଗିରି ଝର କାନନ ସାଗର
ସବୁଜିମା ଶସ୍ୟକ୍ଷେତ୍ର
ଫୁଲ ଫଳ ଭରା ଉପବନେ ତୋରା
ହୁଅଇ ସକଳ ନେତ୍ର
କେତେ ମିଠା ସତେ ପକ୍ଷୀର କାକଳି
କାନରେ ହେଲେ ପ୍ରବେଶ
ମେରୀ ମାଟି ମେରୀ ଦେଶ ।
ରୁନି ମୁନି ଝୁନି ଯେତେ କୁନା କୁନି
ଜନମିଛୁ ତା' କୋଳରେ
ସୁଶିକ୍ଷା ସଂସ୍କାର ଭରିଣ ଅନ୍ତର
ଶ୍ରୀବୃଦ୍ଧି ଜ୍ଞାନାଲୋକରେ
ଶାନ୍ତି ମୈତ୍ରୀ ପ୍ରୀତି ଗାଉଥିବ ଗୀତି
ଦେଇ ଅପୂର୍ବ ପରଶ
ମେରୀ ମାଟି ମେରୀ ଦେଶ ।
ପୂରୁବ ଗୌରବ ଆମ ପାଇଁ ଗର୍ବ
ତା' ସହିତ ଥାପି ପାଦ
ବଢ଼ିବୁ ଆଗକୁ ଗରବିତ ବୁକୁ
ନଥିବ କିଛି ବିଭେଦ
ସକଳ ମୁଖରେ ସମତାର ସୁଧା
ଢାଳି ହୋଇବୁ ହରଷ
ମେରୀ ମାଟି ମେରୀ ଦେଶ ।