ମନଟିଏ

ତୁମ ଅଯାଚିତ ସ୍ନେହ ଖୋଜେ

ଖୋଜେ ତୁମ ପରି ମନଟିଏ

ଏମିତି ମନ ଟେ ପାଇବି କେଉଁଠୁ

ମନ ନୁହେଁ ପ୍ରେମ ଝରଟିଏ

କୁଳୁକୁଳୁ ନାଦେ ବହୁଥିବ ନିଇତି

ଓଦା କରି ମୋତେ ଯିଏ।

ପାଇବାର ଆଶା ରଖେ ନାହିଁ ଯିଏ

ଦେବାଟା ହିଁ ଖାଲି ଜାଣେ ଯିଏ

ଅନ୍ୟ ହସ ପାଇ ଅନ୍ୟ ଲୁହ ପାଇଁ

ସଲିତ ହୋଇ ଜଳି ଜଳି ସରିଛି

ଏମିତି ମନଟେ ଦେବ କିଏ ମୋତେ

ମନ ନୁହେଁ ଯିଏ ମିଠା ସୁରଟିଏ।

ଏ ଜୀବନ ଅଧା ସରିଗଲା ମୋର

ସେ ମନର ଠିକଣା ନ ପାଇଲି

ଆଉ କିବା ଭେଟ ପାଇବି ଜୀବନେ

ସମୟ ନେଉଛି ମୋତେ ଠେଲି

ତଥାପି ସପନ ଦେଖୁଛି ମୋ ମନ

ପାଇଯିବି ସେମିତି ମନ ଟିଏ

ମନ ନୁହେଁ ଯିଏ

ଭରସା, ବିଶ୍ୱାସ, ଆସ୍ଥାର ଛାତ ଟିଏ।