ରେ ମୁଢ଼ ମନ
ରେ ମୁଢ଼ ମନ
କୃଷ୍ଣ ଚରଣେ ଦିଅ ମନରେ , ମୁଢ଼ ମନ ।। ଘୋଷା |
ସେ ହରି ଏକା ସାର
ଏହି ଭବସାଗର
ଅକ୍ଳେଶେ ପାରିହେବୁ ଜାଣରେ , ମୁଢ଼ ମନ । ଠା
ଦୟାଧର୍ମ ଚିତ୍ତେ ନାହିଁ
ଜୀବ ପରେ ଦୟା ନାହିଁ ।
ବୁଦ୍ଧିଭ୍ରମ ହୁଏ ତୋର ।
ମାୟାମୋହେ ପଡିଣରେ,ମୁଢ଼ ମନ ।
କୃଷ୍ଣଚରଣେ. . . . . I୧I
କେତେ ମୁନି କେତେ ତପି
ତରିଗଲେ ନାମଯପି ।
କୃଷ୍ଣ ନାମ କରିସାର ।
ପାରି ଭବବନ୍ଧନରେ, ମୁଢ଼ମନ ।
କୃଷ୍ଣଚରଣେ. . . . I୨I
ଯାକୁବୋଲୁ ମୋର ମୋର
ସେହି ନୁହେଁ ତୋର ରେ ।
ମାୟା ମରିଚିକା ପଛେ ।
ଧାଉଁ ଅକାରଣରେ,ମୁଢ଼ ମନ ।
କୃଷ୍ଣଚରଣେ. . . . I୩I
ଦିବାରାତ୍ର ଲୟ କର
କୃଷ୍ଣ ନାମ ହୃଦେ ଧର ।
କୃଷ୍ଣନାମ ବିନା ଆନେ ।
ନଦିଅ ତୁ ଧ୍ୟାନରେ, ମୃଢ଼ମନ ।
କୃଷ୍ଣଚରଣେ. . . . I୪I