ରାତ୍ରୀ ଗୋ

ରାତ୍ରୀ ଗୋ' ତୁମେ 

        ସୁପ୍ତ ନୟନର 

           ବାସ ବାସନାର ମିଳନ ଛନ୍ଦା  

ରାତ୍ରୀ ଗୋ' ତୁମେ

        ସୁହାଗ ସିନ୍ଦୂର

             ପ୍ରଣୟ ପିଆସୀ ରଜନୀ ଗନ୍ଧା ।

ରାତ୍ରୀ ଗୋ' ତୁମେ

       ମଧୁପ ମଞ୍ଜରୀ

             ପ୍ରୀତି ପ୍ରଣୟିନୀ ଅଳସୀ ତନ୍ଦ୍ରା ।

ରାତ୍ରୀ ଗୋ' ତୁମେ

        ସରସୀ ,ରୂପସୀ

              କଳ କଳ ଛନ୍ଦ ଅଳକା ନନ୍ଦା ।

      

ରାତ୍ରୀ ଗୋ' ତୁମେ

         ମୁଗ୍ଧ ପ୍ରଣୟିନୀ

              ମୁଦ୍ରିତ ନୟନେ ସୁନେଲି ସ୍ୱପ୍ନ ।

ରାତ୍ରୀ ଗୋ' ତୁମେ

        ବର୍ଣ୍ଣ ବିଳାସିନୀ

              ସ୍ନିଗ୍ଧ ରୂପମୟୀ ଅଳସି ଜହ୍ନ ।

ରାତ୍ରୀ ଗୋ' ତୁମେ 

         ନିଃଶବ୍ଦ ପ୍ରହରୀ

              କାଉଁରୀ ସ୍ପର୍ଶର ମଦିରା ନିଶା ।

ରାତ୍ରୀ ଗୋ' ତୁମେ

        ମୃଦୁ ମନ୍ଦହାସୀ

              ପ୍ରକୃତି ପ୍ରତିମ କ୍ଷଣିକ ଆଶା ।