ଲାଇବ୍ରେରୀ
ପ୍ରୋଫାଇଲ୍
ରାତି ଆସେ
ରାତି ଆସେ
1 min
171
ରାତି ଆସେ
ବୁର୍ଖା ପିନ୍ଧିଥିବା ମହିଳାର
ଜୁଳୁଜୁଳୁ ଦିଶୁଥିବା ଆଖି ଡୋଳାରେ
ପୋଡିଯାଇଥିବା ଗୋଟିଏ ଚାଳଘର
କୁଟା ପାଉଁଶ ଅଙ୍ଗାରରେ
ଶ୍ରାବଣର ଭଷା ବାଦଲମାନଙ୍କ ଦୋଳିରେ
ଦୂରକୁ ଫିଟିଯାଇଥିବା
ପ୍ରଶସ୍ତ ପିଚୁରାସ୍ତାର ଛାତିରେ
ଗୁମସୁମ ଚୁପଚାପ
ନିସ୍ତବ୍ଧ ଚିର ନିଘୋଡ ନିଦରେ
ରାତି ଆସେ
ବଢିଲା ଝିଅର ବାପାର
ବଢିଯାଉଥିବା ରକ୍ତଚାପରେ
ଆଖିରୁ ପାଣି ମରେ ମଦୁଆ ସ୍ଵାମୀପାଇଁ
ସ୍ତ୍ରୀ ଟିର ହାଇମରା ଅଳସରେ
ପ୍ରେମିକାର ଲୁଚାଛପା ପ୍ରଣୟ
ଧରାପଡିଲେ ଆଖିରେ
ଖୁଁ ଖୁଁ କାଶି କାଶି ବେଦମ
ହେଉଥିବା ବୁଢାର ଦୟାରେ
ରାତି ଆସେ
ଭୂତର ପଶରା ମୁଣ୍ଡେଇ
ଅଣ୍ଡାବାଲିର ସପନରେ
ହାଟରୁ ସଉଦା କିଣି କିଣି
ଠକିଯାଇଥିବା କିଶୋରୀର ଚପଳତାରେ
ଭେଣ୍ଡିଆ ପୁଅକୁ ହରାଇଥିବା
ଗୋଟିଏ ମାଆର ଗରମ ଲୁହରେ
ବାଘ ପଞ୍ଝାରୁ ଖସିଆସିଥିବା
ହରିଣୀ ପ୍ରାଣମୁର୍ଛା ଦୌଡରେ
ରାତି ଆସେ
ତମ ସହର ବସ୍ତିରେ
ଆମ ଗାଁ ଗଣ୍ଡା ସାହିରେ
ଆସୁଥାଏ ସେ ସବୁବେଳେ
ମୋ ମନ ତୁମ ସପନରେ
କୁହୁଡି ପରି ମାଡିଯାଏ
ଆମ ସଭିଙ୍କର ଜୀବନରେ
