Library
ରାଷ୍ଟ୍ରୀୟତା ଭାବ ଜାଗ୍ରତ କରିବା
ରାଷ୍ଟ୍ରୀୟତା ଭାବ ଜାଗ୍ରତ କରିବା
ବିବେକ ପାଇଁ ସୃଷ୍ଟିର ସୃଷ୍ଟିରେ ମଣିଷ ତ
ଶ୍ରେଷ୍ଠ ପ୍ରାଣୀ ଭାବେ ଗଣା
ଅହଂକାରେ ନିଜକୁ ବଡ଼ ମଣି, ଜ୍ଞାନକୁ
ପାଶୋରି ଅଜ୍ଞାନୀରେ ହୁଏ ଜଣା ।
ସ୍ୱାର୍ଥାନ୍ଧ ମଣିଷ ମନରେ ନଥାଏ କେବେ
କର୍ତ୍ତବ୍ୟର ଭାବବୋଧ
ଅନ୍ୟାୟ ତାହାର ସର୍ବସ୍ବ, ନଷ୍ଟ କରେ ସେ
ତାହାର ସବୁ ମହତ ।
ଲକ୍ଷ୍ୟଭ୍ରଷ୍ଟ ହୋଇ ବିବେକ ବିଚାର ହରାଇ
ଜୀବନର ଗତିକୁ ଚଲାଉଛେ
ପ୍ରତି ମୁହୂର୍ତ୍ତରେ ସମାଜ ପ୍ରତି ବିପଦକୁ ସଦା
ଜାଣି ଶୁଣି ଠେଲି ଦେଉଛେ ।
ଖାଲି ଠକିବାର ମନ ନେଇ ପଶୁ ପକ୍ଷୀ ଠାରୁ
ହୀନ ମଣିଷ ଜୀବନ କଟାଉଛେ
ନ୍ୟାୟାଳୟରେ ଆଜି ନ୍ୟାୟ ନାହିଁ, ସପନ
ବିଳାସୀ ସ୍ୱାର୍ଥ ହାସଲ ପାଇଁ ଧାଇଁଛେ ।
ଦେବାଳୟ ଆଜି ହୋଇଛି ଶୋଷଣ କଷଣର
ଦ୍ୱାର, ଭକ୍ତି, ଶ୍ରଦ୍ଧା ଲୋପ ପାଇଛି
ଶହ ଶହ ଦେବାଳୟ ଭଗ୍ନ ସ୍ତୁପ ଅବସ୍ଥାରେ ଥିଲେ
ମଧ୍ୟ ନୂଆ ମନ୍ଦିର ନିର୍ମାଣରେ ନେତା ଲାଗିଛି ।
ଚିକିତ୍ସାଳୟ ନାମେ ଚାଲିଛି ଘରୋଇ ଡ଼ାକ୍ତରଖାନା
ସେବା ନାମେ ବ୍ୟବସାୟର ପ୍ରହସନ ଚାଲିଛି
ଘରୋଇ ବିଦ୍ୟାଳୟ ନାମେ ଚାଲେ ବ୍ୟବସାୟ
ପାଠ ପଢା କିଛି ନାହିଁ ଟ୍ୟୁସନ ଖାଲି ଚାଲିଛି ।
ଫମ୍ପା ମାଠିଆର ଶବଦ ବେଶି, ଏହା ତ ସାରା
ଜଗତ ବିଦିତ
ଦେଶ ଗଠନର ଦୃଶ୍ୟମାନ ଦେଖା ମଳିବକି ଯିଏ
ପୁରା ଭାବେ ବିଶୃଙ୍ଖଳିତ ।
ସ୍ୱାର୍ଥାନ୍ଧ କେବେ ନେବକି ମନରେ ସେବା
ଧର୍ମ ନିଷ୍ଠା ସାହାଯ୍ୟର ଭାବ
ଇତିହାସ କୁହେ, ରାଷ୍ଟ୍ରହିତ କର୍ତ୍ତବ୍ୟର କଥା
ମନେ ତାର କେବେ ଉଦୟ ନହେବ ।
ଆସ ମୋର ଭଉଣୀ ଭାଇ, ସତ୍ୟ ନ୍ୟାୟ ସାସ୍ବତ
ଭାବକୁ ଗ୍ରହଣ କରିବା
ଘୃଣ୍ୟ ଭାବ ଛାଡି, ବୁଦ୍ଧି ବିବେକର ମାର୍ଗେ, ରାଷ୍ଟ୍ରୀୟ
ଭାବ ଜାଗ୍ରତ କରି ଦେଶକୁ ଗଢିବା ।
ମିଥ୍ୟା ଆଭରଣ କରି ତ୍ୟାଗ, ଏ ଦୁର୍ଲଭ ଜନମକୁ
ନକରିବା ଆମେ ନଷ୍ଟ
ଅବଶ୍ୟ ଏ ମହାନ୍ ତତ୍ତ୍ବକୁ ବୁଝି ମଣିଷ ଜନମକୁ
ସାର୍ଥକ କରିବା କଷ୍ଟ ।
