Library
ରାଷ୍ଟ୍ରୀୟ ଧ୍ଵଜା
ରାଷ୍ଟ୍ରୀୟ ଧ୍ଵଜା
ସ୍ଵାଧିନ ରାଷ୍ଟ୍ରର ସନ୍ତାନ ସକଳେ
ରାଷ୍ଟ୍ରଧ୍ଵଜା ଆମ ପରିଚୟ
ତିନୋଟି ରଙ୍ଗରେ ଆମ ରାଷ୍ଟ୍ରଧ୍ଵଜା
କରି ଦେଇଥାଏ ମନ୍ତ୍ରମୁଗ୍ଧ ।
ସ୍ଵାଧୀନତା ପାଇଁ ତ୍ୟାଗ ଗାଥା କୁହେ
କହେ ପୁଣି ଆତ୍ମବଳୀ କଥା
ତିନୋଟି ରଙ୍ଗରେ ଦେଶ ମର୍ମବାଣୀ
ଉଡ଼ି କହୁଥାଏ ମନ କଥା ।
ମୋ ରାଷ୍ଟ୍ର ଧ୍ଵଜାରେ ଲେଖା ହୋଇଅଛି
କେତେ ମୂଲ୍ୟବାନ ବାର୍ତ୍ତାମାନ
ସେଇ ବାରତାର ପତରେ ପତରେ
ମୋ ଦେଶ ମହତ୍ତ୍ଵ ବିଦ୍ୟମାନ ।
ମୋର ରାଷ୍ଟ୍ରଧ୍ଵଜା ତ୍ରିରଙ୍ଗା ଟି ପରା
ତିନୋଟି ରଙ୍ଗରେ ମହୀୟାନ
ତା ମଧ୍ୟରେ ଚକ୍ର ଶୋଭା ଯେ ବଢ଼ାଏ
ଭେଙ୍କେୟା ତୁମେ ଅଟେ ମହାନ ।
ମୋର ତ୍ରୀରଙ୍ଗାର ନାରଙ୍ଗୀ ରଙ୍ଗଟି
ବୀରତ୍ଵ,ସାହାସ, ତ୍ୟାଗ କୁହେ
ସବୁଜ ରଙ୍ଗଟି ବୈଭବ ସମୃଦ୍ଧି
ବାରତା ଯେ ବାଣ୍ଟି ଦେଉଥାଏ ।
ଧଳା ରଙ୍ଗ ଦିଏ ଶାନ୍ତିର ବାରତା
ଚକ୍ରରେ ପ୍ରଗତି ତତ୍ତ୍ଵ
ଚବିଶ ଅରରେ ଚବିଶ ଘଣ୍ଟାର
ଚଉବିଂଶ ତତ୍ତ୍ଵ ଯେ ନିହିତ ।
ମୋର ରାଷ୍ଟ୍ରଧୂଜା ତଳେ ଠିଆ ହେଲେ
ମନେ ଶିହରଣ ଜାତ ହୁଏ
ମୋ ତ୍ରିରଙ୍ଗା ତଳେ ଜାତୀୟ ସଂଗୀତ
ମନେ ମାଦକତା ଭରିଦିଏ ।
ତା ଦେହରେ ଲେଖା ତ୍ୟାଗର କାହାଣୀ
ସ୍ଵାଧୀନ ହେବାର ଗୁଢ ଗାଥା
ସୌନ୍ଦର୍ଯ୍ୟ ମଣ୍ଡିତ ମୋ ତ୍ରିରଙ୍ଗା କହେ
ସଂଗ୍ରାମୀଙ୍କ ବଳିଦାନ କଥା ।
ମୋ ପତାକା ତଳେ ଜାତି, ଧର୍ମ,ବର୍ଣ୍ଣ ସଭିଏଁ ସମାନ ହୋଇଥାନ୍ତି
ଅନେକ ଭିନ୍ନତା ମଧ୍ୟେ ମୋ ତ୍ରିରଙ୍ଗା
ସାମ୍ୟତା ର ଗୀତ ଗାଉଥାଇ ।
ସ୍ଵାଧୀନତା ଅର୍ଥ ସଭିଏଁ ବୁଝନ୍ତୁ
ଗଣତନ୍ତ୍ର କଥା ବୁଝିଯାନ୍ତୁ
ମୋ ତ୍ରିରଙ୍ଗା ତଳେ କରୁଛି ପ୍ରଣାମ ରାଷ୍ଟ୍ରଧ୍ଵଜା ମୋର ଉଚ୍ଚା ରହୁ ।
ରାଷ୍ଟ୍ର ପାଇଁ ଆମେ ଗରବ କରିବା
ରାଷ୍ଟ୍ର ପାଇଁ କାମ କରିଯିବା
ମୋ ରାଷ୍ଟ୍ର ଧ୍ଵଜାର ବିଶ୍ଵେ ନାମ ହେବ
ସର୍ବେ ଦେଉଥିବେ ଯେ ମର୍ଯ୍ୟାଦା ।
ରକତର ଗାଥା ଶକତ କରୁ ଯେ
ଦେଶବାସୀଙ୍କର ମନୋବଳ
ସ୍ୱାର୍ଥର ଶିକୁଳି ଖୋଲିଯାଉ ବାରେ
ଗଣତନ୍ତ୍ର ରହୁ ସୁ-ଉଜ୍ଜ୍ଵଳ ।
ମୋ ରାଷ୍ଟ୍ର ଧ୍ଵଜାକୁ ସଲାମ କରୁଛି
ଶ୍ରଦ୍ଧାଞ୍ଜଳୀ ଦିଏ ସଂଗ୍ରାମୀ ରେ
ମୋର ରାଷ୍ଟ୍ରଧ୍ଵଜା ଚିରକାଳ ଭଡୁ
ମୁଣ୍ଡ ନୁଆଉଛି ତା ସମୀପେ ।
