Library
ରାମ ନବମୀ
ରାମ ନବମୀ
ରାମ ରାମ ନାମ ଗୁଞ୍ଜନ
ସାରା ଭାରତବର୍ଷ,
ବାଲ୍ୟରୂପ ପ୍ରଭୁ ଦର୍ଶନ
କରୁ ଛନ୍ତି ଆଶୀଷ ।
ଚୈତ୍ରମାସର ଶୁକ୍ଳପକ୍ଷ
ତିଥି ନବମୀ ଧରା
ଗୁଞ୍ଜୁ ଅଛିରେ ଚତୁର୍ଦ୍ଦିଗେ
ରାମଙ୍କ ଜନ୍ମ ପରା ।
ଶୁଭ ମୂହୁର୍ତ୍ତରେ ଜନମ
ପ୍ରଭୁ ରାମ ଆରାଧ୍ୟ,
ମର୍ତ୍ତ୍ୟ ଭୂମି ଧନ୍ୟ ହୋଇଲା
ପାଇ ପ୍ରଭୁ ସାନିଧ୍ୟ ।
ଦୁଷ୍ଟର ବିନାଶ ପାଇଁରେ
ଜନ୍ମ ହେଲା ତାଙ୍କର,
ବିଷ୍ଣୁ ଅବତାର ଶ୍ରୀରାମ
ଧରି ନର ଶରୀର ।
ଅଯୋଧ୍ୟା ଭୁବନେ ଜନମ
ଧନ୍ୟ ଅଯୋଧ୍ୟା ପୁର,
ଦିବ୍ୟ ଭବ୍ୟ ତାଙ୍କ ମନ୍ଦିର
ଦେଖି ମନ ଆତୁର ।
ବାଲ୍ୟରୂପେ ପ୍ରଭୁ ସ୍ଥାପନା
ହୋଇ ଅଛି ମନ୍ଦିରେ,
ରାମମୟ ଆଜି ଧରିତ୍ରୀ
ଗୁଞ୍ଜେ ନାମ ଭକ୍ତିରେ ।
ପୂଜନ ତାଙ୍କର ହେଉଛି
ଗୃହ ଗୃହ ଦେଶରେ
ସନାତନୀ ଅତି ଖୁସିରେ
ପଦ ପୂଜେ ଭକ୍ତିରେ ।
ନୂତନ ଉତ୍ସାହ ଉମଙ୍ଗ
ଗୁଞ୍ଜେ ଜନତା ମନ,
ରାମ ରାଜ୍ୟ ପରି ଶାସନ
କାଳ ଅମୃତ ପୁନଃ ।
ଚନ୍ଦ୍ରଲୋକେ ରାଷ୍ଟ୍ର ତ୍ରିରଙ୍ଗା
କରୁ ଅଛି ଗର୍ବିତ
ପ୍ରଭୁଙ୍କ କୃପାରୁ ହୋଇଛି
ରାମ ରାଜ୍ୟ ଏହୁତ ।
ଯୁବା ଓ ଯୁବତୀ ହୁଅନ୍ତି
ପରା ଆତ୍ମନିର୍ଭର
ଗୁଞ୍ଜୁଛି ବିଶ୍ବରେ ସୁନାମ
ଯହିଁ ରାମ ସଂସ୍କାର ।
ନଜର ପଡ଼ିଛି ରାମାଙ୍କ
ସବୁ ହୁଏ ସମ୍ଭବ
ଆନନ୍ଦ ଉତ୍ସାହ ଜନଙ୍କ
ହୃଦେ କର୍ତ୍ତବ୍ୟ ଭାବ ।
ରାମ ନବମୀର ପୂଜନ
ବାଜୁ ଅଛି ମୃଦଙ୍ଗ
ଶଙ୍ଖ ହୁଳହୁଳି ପଡୁଛି
ଉଠେ ଭକ୍ତି ତରଙ୍ଗ ।
ପବିତ୍ର ଦିନ ଟି ଆଜିର
ସ୍ମୃତି ମର୍ତ୍ତ୍ୟ ଭୁବନେ
ରାମ ଜନ୍ମ ଦିନ ପାଳିତ
ବାଲ୍ୟରୂପ ଦର୍ଶନେ ।
କୀର୍ତ୍ତି ଓ ଗୌରବ ସମ୍ମାନ
ମିଳୁଥିବ ରାଷ୍ଟ୍ରର,
କରୁଣା କରିବେ ଶ୍ରୀରାମ
ଦେବେ ଭଲ ବିଚାର ।
ସୂର୍ଯ୍ୟ ତିଲକ ଗର୍ଭଗୃହେ
ପରା ରାମାଙ୍କ ଆଜି,
ଦୁନିଆ ଦେଖିବ ଏହାକୁ
ନବମୀ ଦିଏ ସାଜି ।
