ରାକ୍ଷୀ

ଭଉଣୀ ବାନ୍ଧୁଛି ସୂତା ଖିଅଟିଏ

ସଭିଏଁ କହନ୍ତି ରାକ୍ଷୀ,

ତା ସ୍ନେହ ମମତା ଆତ୍ମ ବିଶ୍ୱାସ ହିଁ

ରହିଥାଏ ସଦା ସାକ୍ଷୀ ।

ପ୍ରତି ବର୍ଷ ସିଏ ଶ୍ରାବଣ ପୂର୍ଣ୍ଣିମା

ଦିନଟିକୁ ଜଗିଥାଏ,

ଭାଇର ହାତରେ ରାକ୍ଷୀ ପିନ୍ଧେଇବ

କେତେ ଆଶା ବାନ୍ଧିଥାଏ ।

ତା ସ୍ନେହର ଡୋରି ହୃଦୟେ ସାଇତି

ଜଗି ରହିଥାଏ ଭାଇ,

ଆପଦ ବିପଦ ସ୍ପର୍ଶ କରିବନି

ଦୃଢ଼ତାରେ କହୁଥାଇ ।

ସବୁ ଦୁଃଖ କଷ୍ଟ ସହି ଯାଏ ଭାଇ

ଭଉଣୀର ସୁଖ ପାଇଁ,

ସେଇଠି ସମାଜ ସଦା କହୁଥାଏ

ଧନ୍ୟ ସେ ଭଉଣୀ ଭାଇ ।

ଭାଇ ଭଉଣୀର ଅତୁଟ ସଂପର୍କ

ବନ୍ଧନଟି ଅଟେ ରାକ୍ଷୀ,

ରାକ୍ଷୀ ପୁର୍ଣିମାର ରକ୍ଷା ବନ୍ଧନରେ

ପ୍ରଭୁ ଜଗନ୍ନାଥ ସାକ୍ଷୀ ।