ରାଜମାତା
ରାଜମାତା
1 min
244
ରାଜକାର୍ଯ୍ୟେ ରାଜା ଲିପ୍ତ
ଗୃହେ ରାଜା ରାଣୀ
ଯେସନେ କାଞ୍ଚନ ଧରି
ନଜାଣେ ମୃଗୁଣୀ ।
ପ୍ରଜା ହୃଦେ ମାତୃରୂପା
ଶ୍ରେଷ୍ଠା ରାଜମାତା
ଯାହାଙ୍କ କୃପୟା ବଳେ
ପରଜାଙ୍କ ସତ୍ତା ।
ଅହିତକାରୀକୁ ଯେବେ
ନୃପତିଙ୍କ ଶାସ୍ତି
ଲକ୍ଷ୍ମୀ ସ୍ବରୂପିଣୀ ମାତା
ଦୟାରୁ ଆଶ୍ୱସ୍ତି ।
ଆସ୍ଫଳନ କିବା ଅହଂ
କରେ ନାହିଁ ସ୍ପର୍ଶ
ନିନ୍ଦିତ ନୁହଁନ୍ତି ସେତ
ଜନ ଗଣ ପାର୍ଶ୍ଵ ।
ଶୁଦ୍ଧ ଚିତ୍ତେ ହର୍ଷ ମୁଖ
ମହାନ୍ ଉଦାର
ଚଳନେ ଲକ୍ଷ୍ମୀ ବିରାଜେ
ସ୍ବର୍ଣ୍ଣ ସରୋବର ।
ସାତ ମାତା ସଙ୍ଗେ ଯୁକ୍ତ
ନାମ ରାଜମାତା
ରାଇଜେ ପରଜା ପାଳି
ଭାଗ୍ୟ ହର୍ତ୍ତା କର୍ତ୍ତା ।
ରାଜମାତା ଚରଣରେ
କୋଟି ନମସ୍କାର
ତାଙ୍କ କୃପା ବଳେ ଲିଭୁ
ରାଜ୍ୟରୁ ଅନ୍ଧାର ।