ରାଜା ଲକ୍ଷ୍ମୀ ନାରାୟଣଙ୍କର ଓଡ଼ିଆ

କେରା ଗଡ ରାଜା

ଲକ୍ଷ୍ମୀ ନାରାୟଣ 

ଥିଲେ ବିଦ୍ୟା ପରାୟଣ ,

ସିଂହ ଭୂମିର ସେ

ପ୍ରଥମ ଓଡ଼ିଆ

ଜାତିରେ ରଖିଲେ ଟାଣ ।

ତାଙ୍କ ଅବଦାନେ

ମିଳିଲା ଆମକୁ

ଓଡ଼ିଆର ଚାଟଶାଳୀ ,

ଗୋପବନ୍ଧୁ ସଙ୍ଗେ

ମିଳିତ ଉଦ୍ୟମେ

ବିଦ୍ୟାଳୟ ଥିଲେ ଗଢି ।

ଓଡ଼ିଆରେ କେତେ

କାବ୍ୟ ଓ କବିତା

ରଚନା ସେ କରିଥିଲେ,

ସମ୍ମିଳନୀର ସେ

ଏକାଦଶାଧ୍ୟକ୍ଷ 

ମନୋନିତ ହୋଇଥିଲେ ।

ଦେଶ ସ୍ବାଧୀନର

ପୁର୍ବ ଏ ଅଞ୍ଚଳ

ଓଡ଼ିଶା ବୋଲାଉ ଥିଲା,

ସ୍ଵାଧୀନତା ପରେ

ଆମ ଏ ଅଞ୍ଚଳ

ବିଚ୍ଛିନ୍ନାଞ୍ଚଳ ହୋଇଲା ।

ତତ୍କାଳୀନ ରାଜା

ଲକ୍ଷ୍ମୀ ନାରାୟଣ

ଓଡ଼ିଆର ଯତ୍ନ ନେଲେ ,

ସେହି ପାଇଁ ଆଜି

ବିଚ୍ଛିନ୍ନାଞ୍ଚଳ ରେ

ଓଡ଼ିଆ ହିଁ ରହିଗଲେ ।

ଓଡ଼ିଆ ଭାଷାର

ସଂସ୍କୃତି ସୁରକ୍ଷା

କରୁଥିବା ଆମ ପଣ ,

ସେହି ପାଇଁ ଆଜି

ଭାଷା ରକ୍ଷା ପାଇଁ

ଚାଲିଛି ଆମର ରଣ ।

ଆମ ରାଜାଙ୍କର

ମାନ ମହତକୁ

ଆଖିର ଆଗରେ ରଖି,

ଓତ୍କଳମଣୀ ସେ

ଗୋପବନ୍ଧୁଙ୍କର

ନାଁ ରଖିଥିବା ଲେଖି ।