ରାଧାଦାମୋଦର
ରାଧାଦାମୋଦର
ରାଧାଦାମୋଦର ଯୁଗଳ ମୁରତି
ଦେଖି ଭକତେ ହୁଅନ୍ତି ମୁଗ୍ଧ
ଭକତି ଅନ୍ତରେ ପ୍ରଣତି ଵାଢ଼ନ୍ତି
ଚମ୍ର ନେତ୍ର ହୁଏ ଶୁଦ୍ଧ ।
ରାଧାଦାମୋଦର ବ୍ରତ ଯେ କରଇ
ଆତ୍ମା ତାର ଶୁଦ୍ଧି ହୁଏ
ଅନେକ ଜନ୍ମର ପାପ ତାପ ନାଶି
ଭକତିର ପଥ ପାଏ ।
ରାଧାଦାମୋଦର ପ୍ରକୃତି ପୁରୁଷ
ଏ ସୃଷ୍ଟିର ପିତା ମାତା
ତାଙ୍କ ପାଦପୂଜା ଯେ ଜନ କରନ୍ତି
ଲଭନ୍ତି ପୁତ୍ର ଦୁହିତା ।
ଞ୍ଜାନ ଭକ୍ତି ମାର୍ଗେ ସଦାସେ ଗମନ୍ତି
ପ୍ରେମ ଶରଧା ଵାଣ୍ଟନ୍ତି
ସଭିଙ୍କ ଭିତରେ ଇଷ୍ଟଙ୍କୁ ଦେଖନ୍ତି
ଆନନ୍ଦ ଦିନ ଵିତାନ୍ତି ।
ଵୈରାଗ୍ୟ ତାଙ୍କର ଚରଣ ଧରନ୍ତି
ସଦା ହରଷେ ରମନ୍ତି
ସାଧୁସନ୍ଥଙ୍କର ସେଵା କରୁଥାନ୍ତି
ଆନନ୍ଦେ ଦିନ ଵିତାନ୍ତି ।
ପାପ ତାପ ସବୁ ଦୂରେ ପଳାଵନ୍ତି
ପୁଣ୍ୟତାରେ ଗର୍ଭ ଭରେ
ଅମୃତ ବଚନ ସଦା ପ୍ରସବନ୍ତି
ଞ୍ଜାନର ପସରା ବଢେ ।
ଧନ୍ୟ ତାଙ୍କ ଲୀଳା ମୁକତି ପସରା
ରାଧାଦାମୋଦର ଧାୟୀ
ବିଶ୍ଵ ଜନଙ୍କର ମଙ୍ଗଳ କାମନା
କରୁଛି ତାଙ୍କ ମୁରତିକିଧାୟୀ ।