ଲାଇବ୍ରେରୀ
ପ୍ରୋଫାଇଲ୍
ପୂଣ୍ୟତୋୟା
ପୂଣ୍ୟତୋୟା
1 min
421
ନାରୀ ନୁହେଁ ପଣ୍ଯ ପୂଣ୍ୟ ଜୀବନରେ ଜାୟା ଜନନୀ ଭଗିନୀ
ସୁରକ୍ଷା ତାହାର ଦାୟିତ୍ବ ଆମର
ଅଟେ ସିଏ ସୁହାସିନୀ
ସମାଜର ଆଜି ଅବକ୍ଷୟ ଦେଖି
କୋହକୁ ରଖେ ସେ ଚାପି
କହିପାରେନା ସେ ସହିବି ପାରେନା
ଧର୍ମକୁ ହାତ ଟେକି
କାହାକୁ କରିବା ଦାୟୀ ଏଥିପାଇଁ
ସମସ୍ତେ ତ ଶୁଣ୍ଢିସାକ୍ଷୀ
ନିଜେ ତ ନିଜକୁ ସଚେତନ ହେଲେ
ଏହାକୁ ପାରିବା ରୋକି
ନାରୀର ବେଦନା ବୁଝିଲାଣି କିଏ
ଏନ୍ତୁଡ଼ି ମଶାଣି ଯାଏ
ଜୀବନଟା ତାର ତିଳ ତିଳ ଜାଳେ
ଦୁଃଖ ଚାପି ହୃଦୟେ
ନାରୀକୁ ସମ୍ମାନ ନଦେଲେ ଏଜାତି
ଉନ୍ନତି ତାର ନାହିଁ
ମା'କୁ ସମ୍ମାନ ମାଟିକୁ ସମ୍ମାନ
ଏକଥା ହେଜିବା ଭାଇ
କଳଙ୍କ ନୁହେଁ ସେ କାଳିମା ବି ନୁହେଁ
ଏ ଜାତିର ଧାତ୍ରୀ ସିଏ
ପୂଣ୍ୟତୋୟା ସେ ରକ୍ଷାକାରିଣୀ
ପ୍ରେମର ପାଖୁଡା ଟିଏ
