ଲାଇବ୍ରେରୀ
ପ୍ରୋଫାଇଲ୍
ପୂଣ୍ୟ ଭାରତ ଭୂଇଁ
ପୂଣ୍ୟ ଭାରତ ଭୂଇଁ
1 min
311
ହିମାଳୟ ଯହିଁ ପାଉଅଛି ଶୋଭା
ଶୁଭ୍ର ମୁକୁଟ ସମ
ମହୋଦଧି ଯା'ର ଚରଣ ସେବୁଛି
ଭାରତ ବର୍ଷ ଯା' ନାମ
ଗଙ୍ଗା ଗୋଦାବରୀ କୃଷ୍ନା କାବେରୀ
ବହନ୍ତି ଯା' ପାଦ ଛୁଇଁ
ସେଇ ମୋ ଜନନୀ ବୀର ପ୍ରସବିନୀ
ପୂଣ୍ୟ ଭାରତ ଭୂଇଁ
ଅନେକତାରେ ଏକତାର ମନ୍ତ୍ର
କରେ ଯା'ର ଆବାହନୀ
ଜଗାଇ ଦିଏ ଯା' ଦେଶପ୍ରେମ ଭକ୍ତି
ହୃଦେ ଜାଳି ତପ୍ତ ବହ୍ନି
ମଧୁର ମଳୟ ଗାତ୍ର ଛୁଇଁ ଯା'ର
ପୁଲକେ ଯାଉଛି ବହି
ସେଇ ମୋ ଜନନୀ ବୀର ପ୍ରସବିନୀ
ପୂଣ୍ୟ ଭାରତ ଭୂଇଁ
ଯା'କୋଳେ ଜନମି ସନ୍ତାନ କେତେ
ମରଣକୁ ନେଲେ ବରି
ମାଟି ଓ ମାଆର ଟେକ ରଖିବାକୁ
ଜୀବନକୁ ଦେଲେ ବଳି
ତ୍ରିରଙ୍ଗା ଯାହାର ଉର୍ଦ୍ଧ୍ୱେ ଉଡ଼ଇ
ଗଗନ ପବନ ଛୁଇଁ
ସେଇ ମୋ ଜନନୀ ବୀର ପ୍ରସବିନୀ
ପୂଣ୍ୟ ଭାରତ ଭୂଇଁ
