ପୂଜା ଫୁଲ

ପୂଜା ଫୁଲ ଟିଏ କର ହେ ଠାକୁର 

ନିତି ଛୁଇଁ ଦେବି ପାଦ 

ତୋ ପାଦ ଯୁଗଳ ଦେହ ଛୁଇଁଦେବ 

ଦେବୁ ଟିକେ ଆଶୀର୍ବାଦ ।

ନିତି ଫୁଟୁ ଥିବି ନୂଆ ଜନ୍ମ ନେଇ 

ମହକିବି ଚଉଦିଗେ 

ମଉଳା ଦେହକୁ କ୍ଷଣେ ଭୂଲିଯିବି 

ତୁ ଥିବୁ ମୋର ନୟନେ ।

ଖୋଜି ବିନି ଧନୀଗରିବ ଅଗଣା 

ନରଖିବି ଭେଦ ଭାବ

ସୂରୁଜ ଦେବତା କିରଣେ ହସିବି 

ସାକ୍ଷୀ ରହିଥିବ ଆଗ ।

ପ୍ରତି ପ୍ରଭାତର ଆଗମନେ ଉଷା 

ଚାହୁଁ ଥିବ ହସି ହସି 

ପୂଜା ଫୁଲ ଟିଏ କର ହେ ଠାକୁର 

ତୋ ଦେହରେ ହେବି ନେଶି ।

ପରଜାପତି ଟି ଘୂରି ବୁଲୁଥିବ 

ମଧୁମକ୍ଷୀ କ୍ଷୁଧା ଭରି 

ସବୁରି ଆଦର ଯତନେ ହସରେ 

ମନ ଯାଉଥିବ ପୂରି।