ପୁରୁଷତ୍ୱ
ପୁରୁଷତ୍ୱ
ଦେଖାଇବା ପାଇଁ ନିଜ ପୁରୁଷତ୍ୱ
କରୁଛ ନାରୀର ବଳାତ୍କାର
କରି ତାକୁ କଳଙ୍କିତ
ଭାବୁଛ ତୁମେ ନିଜକୁ ମହାନ ।
ତୁମେ କରିଥିବା କୁକର୍ମର ପରିଣାମ
ନାରୀ କରିଥାଏ ସହନ
ବଢି ଥାଏ ତା ଗର୍ଭେ ତୁମ ସନ୍ତାନ
ଚରିତ୍ରହୀନା ଉପାଧି ତାକୁ ଦିଏ ଏ ସମାଜ ।
ନାରୀ ସେ ପା ମାଆ ମନ
କେମିତି କରିବ ନିଜ ସନ୍ତାନକୁ ନଷ୍ଟ
ଗର୍ଭେ ଧରି ରଖିଥାଏ ତୁମ ସନ୍ତାନକୁ ଦଶ ମାସ
ସହି ଥାଏ ଯେ କେତେ କଷ୍ଟ ।
ତୁମେ ଦେଖାଇ ପୁରୁଷତ୍ୱ
ନାରୀକୁ କରି ମଧ୍ୟ ବର୍ବାଦ
ତୁମେ ହୋଇ ଥାକ ସତ୍ୟବାନ
ସେ ହୋଇଥାଏ କଳଙ୍କିତ ।
ବାଃ ରେ ବାଃ ହେ ପୁରୁଷତ୍ୱ
ହେ ଆଜିର ସମାଜ
ନାରୀ ଠାରୁ ହିଁ ନେଇ ଥାଅ ଅଗ୍ନି ପରୀକ୍ଷା
ପରୁଷକୁ ପରମେଶ୍ବର କହି ମୁଣ୍ଡରେ ବସାଅ ପର ।
ଏ ପରୁଷତ୍ୱ ସମାଜରେ
ସ୍ୱାମୀ ସ୍ତ୍ରୀକୁ ଦେଇ ଥାଏ
ନିର୍ଯାତନା କେତେ ଯେ
ତଥାପି ସ୍ୱାମୀ ହୋଇ ଥାଏ ଭଗବାନ, ନାରୀ ତାର ଦାସୀ ଯେ।
ବାଃ ରେ ବାଃ ହେ ପରୁଷତ୍ୱ ସମାଜ
ଏବେ ବି ଅଛି ପୁରୁଷ ଓ ନାରୀ ମଧ୍ୟରେ ପ୍ରଭେଦ
କେବଳ ନାରୀ ପାଇଁ ଲକ୍ଷ୍ମଣରେଖା
ପୁରୁଷ ପାଇଁ ସବୁ ଖୋଲା ।
ହେ ଆଜିର ସମାଜ
ହୁଅ ଜାଗୃତ
ନ କରି ପୁରୁଷ ଓ ନାରୀ ମଧ୍ୟରେ ପାତର ଅନ୍ତର
ଦିଅ ନାରୀକୁ ତାର ସ୍ୱାଧୀନତା ଆଉ ଅଧିକାର ।