ପୁଣି ଥରେ

ଆଜି ପୁଣି ଥରେ

ଉଷାର ଲାଲିମା ଫିକା,

ଦିଗନ୍ତକୁହୁଡି ପଛେ ସୁରୁଜ ଲୁଚିଛି,

ସରମେ ମରମେ ଆହତ ଏକା ।

ନୀରବି ଯାଇଛି ବିହଙ୍ଗ କାକଳି,

ଭୟେ ସନ୍ତାପିତ ମତ୍ତ  ଉର୍ମିରାଜି,

ଥରି ଥରି ମରେ ରୋଗୀଣା ବୁଢାଟି

ବୁଭୁକ୍ଷା ବିକଳେ ନିଃସ୍ଵକି ଏ ମହୀ ??

ପିଲା କାନ୍ଧେଇଛି ପରିବାର ବୋଝ,

ଅଳିଆଗଦା ରୁ ଖୋଜୁଛି ପାଁରୁଟି

କଙ୍କାଳତା ଭାଙ୍ଗେ, ସ୍ଲୋଗାନ ଚାଲିଛି

ଆସୁଛି ପ୍ରଗତି, ଦେଶ ଆଗଉଛି ।

ଶିକାର ମିଳିଛି ପାଶବିକତାର,

ପୋଖରୀହୁଡ଼ାରୁ ଅବା ବୂଦାମୂଳୁ,

ଚିରା ଫଟା ଆହା କୋମଳ କଳିକା

ଲଜ୍ଜିତ ପ୍ରକୃତି, କାନ୍ଦେ ବସୁନ୍ଧରାବ।।