Library
ପୁଂଜିବାଦ ସୌଧ
ପୁଂଜିବାଦ ସୌଧ
ଶ୍ରମିକ ଭାଇ ସୁଖର ଦୁନିଆ ଗଢ଼ି
ଦୁଃଖରେ କଟାଏ ଜୀବନ
ଶ୍ରମକୁ ନକରେ ଖାତିର ନାହିଁ ଖରା
କାକର ରାତି ଅବା ଦିନ |୧|
ସମୟ ନାହିଁ ତାର ଚିନ୍ତା କରିବାକୁ କେଉଁ
ଝିଅ କେଉଁ ପୁଅ ସହ ପଳାଇଲା
କାହା ଘରେ କଣ ହେଉଛି କିଏ କେଉଁଠି
ଗପିଲା ଅବା କେଉଁଠି ବସିଲା |୨|
ମୁଣ୍ଡ ତ ଘାରୁଛି ଭାବି ଭାବି ନିଜ ସଂସାରଟା
ଚାଲିବ କିପରି କେମିତି ଚାଲିଛି
ଜାଣିବାକୁ ସମୟ କୁଆଡୁ ପାଇବ କାହାର
ନୂଆ କାର୍ କିଣା ହେଇଛି |୩|
କାହିଁକି ତାହାର ଆସିବ ଅସୂୟା ଭାବ କାରଣ
କିଏ କେମିତି ପଇସା କମାଉଛି
କାହା ଘରେ କିଏ ଆସି ରହିଛି ନଷ୍ଟ କରିବ ସମୟ
କାହିଁକି ଏମିତି କଥାରେ କଅଣ ଅଛି |୪|
ବଞ୍ଚିଛି ସେ ସ୍ୱାଭିମାନ ସହ ଓ ଶ୍ରମର ପୂଜାରୀ
ହୀନ କାହିଁକି ଭାବିବ ସିଏ ତ ଶ୍ରମିକ
ସମାଜର ହିତ ପାଇଁ କର୍ମ ଏକା ତାର ଅତି
ଆପଣାର ଅଟଇ ମହାନ ଧର୍ମ |୫|
ବସିଖିଆ କିଏ କେମିତି ପଇସା କମାଉଛି କାହା
ଘରେ କଅଣ ଅଛି ଭାବି ନଷ୍ଟ କରୁଛି ସମୟ
ଶୋଷକର ଭୟ କାଳେ କାଳେ ଶ୍ରମିକ ସଚେତନ
ହେବ ମାଗିବ ଅଧିକାର ତା'ର ଶ୍ରମର ମୂଲ୍ୟ |୬|
ମାୟାଵୀ ବେଶ ସାଜି କେତେ ଯେ ଶୋଷକ
ଦୁନିଆରେ କରି ଚାଲିଛନ୍ତି ଛଳନା
ଦୁନିଆର ଶ୍ରମିକ ଜାଗିବେ ଦିନେ ଭାଙ୍ଗି ଯିବ
ବିଶାଳ ସଉଧ ଗଢା ମୂଳ ତ ପ୍ରତାରଣା |୭|
