ହେରା ପଞ୍ଚମୀ

ପାଦରୁ ଲିଭିନି   ପାଟ ଅଳତା ଲୋ

      ଫିଟିନି ଆଷାଢ଼ ସୂତା

ମନେ ପଡିଗଲା    ମାଆର ପଣତ

     ମାଉସୀର ପୋଡ଼ପିଠା ।

ଦେଇ ଚାଲିଗଲ   କଳମ ଶାଗ ଲୋ

     ଡାଳୁଅ ମୋଟା ଚାଉଳ

ଗୁଣ୍ଡିଚାରେ ରଥେ ଭାଇ ଭଗ୍ନୀ ସାଥେ

     ଏକାକିନୀ କରିଗଲ।

  ଜନ୍ମବେଦିରେ ରାସ ରଚିଲ

ଭାବିଲନି ଥରେ    ଶିରି ମନ୍ଦିରରେ

ପତି ବିନା ନୂଆବୋହୂଟି ମନରେ

    ଏକା ଲଭି ନିଃସଙ୍ଗତା ।

ଚାରିଦିନ ଶେଷେ ବିମଳା ଆଦେଶେ

    ଧରି ମୋହ ମନ୍ତ୍ର ଧୂଳି

ଭୁଲି ବୋହୂଟିଏ    ପାଗଳି ପରାଏ

    ଧାଇଁଲେ ଦର୍ଶନ କରି।

  ହେରା, ଗୋହିରିରେ ଲୁଚି କରି

ଶରଧାବାଲିରେ  ଭାଙ୍ଗି ନନ୍ଦିଘୋଷ

ମୋହ ମନ୍ତ୍ର ଧୂଳି  ଫିଙ୍ଗି କଲେ ବଶ

    ଫେରିଲେ ଜଗତ ମାତା ।