ପୁଅ ହୋଇଛି

ଚାଲ ବନ୍ଧୁ ଚାଲ ବନ୍ଧୁ ଯିବା ହିମାଳୟ

କୈଳାସପୁରୀ ପ୍ରଭୁ ଶିବଙ୍କ ଆଳୟ l

ଖବର ପଠାଇଛନ୍ତି ହିମାଳୟ ଜେମା

ପୁଅ ହୋଇଛି ତାଙ୍କର କୁଳର ଚନ୍ଦ୍ରମା l

ଥନ୍ତଲ ପେଟୁଆ ଏକଦନ୍ତ, ଗଜମୁଣ୍ଡ

କୁନି କୁନି ଆଖି ଦୀର୍ଘ କର୍ଣ୍ଣ ବକ୍ରତୁଣ୍ଡ l

ତିନିପୁରେ ଦେଇଛନ୍ତି ମାତ ନିମନ୍ତ୍ରଣ

ବ୍ରାହ୍ମଣଙ୍କୁ ଦାନ ପୁଣି ସୁମିଷ୍ଟ ଭୋଜନ l

ଘୋର ତପେ ବସିଛନ୍ତି ପ୍ରଭୁ ଆଶୁତୋଷ

ଆସ ସର୍ବେ ଦେଇଯାଅ ପୁତ୍ରକୁ ଆଶିଷ l

ରୁଣ୍ଡ ହୋଇଛନ୍ତି ଆସି ସର୍ବ ଦେବାଦେବୀ

ରୁଦ୍ରଗଣ ଲାଗିଛନ୍ତି ତାଙ୍କ ପାଦ ସେବି l

କ୍ଷୀରି ପୁରୀରେ ଭାସୁଛି କୈଳାସ ପୁରୀ

ବାଜୁଛି ଢୋଲ ଡମ୍ବରୁ ମଙ୍ଗଳ ମହୁରୀ l

ଏମନ୍ତେ ବିଚାରି ଆମ୍ଭେ କୈଳାସ ଗଲୁ

ଗଜ ଆନନଙ୍କ ଜାତଉତ୍ସବ ଦେଖିଲୁ l

ସେଠାବକୁ ଆସିଥିଲେ ନାରଦ ମହର୍ଷି

ହସିହସି କହିଗଲେ ଶୁଣଲୋ ମାଉସୀ l

ଏ ପୁତ୍ର ହୋଇବ ତୁମ୍ଭ ବିଦ୍ୟାର ବାରିଧି

ଅଗ୍ରପୂଜ୍ୟ ବିଦ୍ୟାଦାତା ଦାତା ସର୍ବସିଦ୍ଧି l

ନମଃ ଗଣେଶ ବିଘ୍ନେଶ ଶ୍ରୀ ଗଜବଦନ

ବିଦ୍ୟା ବାରିଧିଙ୍କ ପଦେ ପଶିଲି ଶରଣ l