ପଠାଣି ସାମନ୍ତ ଜୟନ୍ତୀ

ନୟାଗଡ଼ ଜିଲ୍ଲା ଖଣ୍ଡପଡ଼ା ଠାରେ

ଜନ୍ମ ଲଭି ଶୁଭ କ୍ଷଣେ

ପ୍ରସିଦ୍ଧ ହୋଇଲ ବୈଜ୍ଞାନିକ ଭାବେ

ପ୍ରାଚୀନ ଜ୍ୟୋତି ବିଜ୍ଞାନେ ।

ଲେଖିଲ ଯେ ଗ୍ରନ୍ଥ ସିଦ୍ଧାନ୍ତ ଦର୍ପଣ

ସଂସ୍କୃତ ଭାଷା ଶ୍ଳୋକ ରେ

ଜ୍ୟୋତିଷ ବିଦ୍ୟା ରେ ଗଣନା ପନ୍ଧତି

ରାଜି ଯହିଁ ଚମତ୍କାରେ ।

ଜନ ମନ ହରେ ପ୍ରାଚୀନ କାଳର

ବହୁ ଗ୍ରନ୍ଥ ର ସିଦ୍ଧାନ୍ତ 

ନେଇ ଅନୁପମ ସୁଦିବ୍ୟ କୌଶଳେ

ରଚିଲ ପ୍ରକାଣ୍ଡ ଗ୍ରନ୍ଥ ।

ଜ୍ୟୋତିର୍ବିଜ୍ଞାନ କୁ ଦେଇ ଗଲ କେତେ

ଯନ୍ତ୍ର ଆଉ କଉଶଳ

ଯାହାର ପ୍ରଭାବେ ବିଜ୍ଞାନୀ ଏ ଏବେ

ନିର୍ମାଣ କଲେ ବିପୁଳ ।  

କାଠି , ନଳୀ , ଦଣ୍ଡ ସାହାର୍ଯ୍ୟ ରେ ତୁମେ

କରି କେତେ ନିରୂପଣ

ନିର୍ଣୟ , ନିର୍ମାଣ କରୁ ଥିଲ କେତେ

ଅନେକ ପ୍ରକାର ମାନ ।

ଶଙ୍କୁ ଦଣ୍ଡ , ସୂର୍ଯ୍ୟ ଘଟିକା ସହିତ

ନିର୍ମିଲ ଖଗୋଳ ଯନ୍ତ୍ର

ମାନ ଯନ୍ତ୍ର ସାଥେ ନଳୀ, ନଳ କେତେ

ପୁଣି ସେ ଉଲମ୍ବୀ ଚକ୍ର । 

ଆଜୀବନ ଚିର ଦୁଃଖ ର ପ୍ରହାର

ଘ।ତେ ସଦା ପ୍ରପୀଡ଼ିତ

ରୋଗ , ତାପ , ସହି ସାହସ କୁ ଧରି

ସାଧିଲ ଅନେକ ହିତ ।

ମହା ମହୋ ଉପା ଧ୍ୟାୟ ଉପାଧି ରେ

ସମ୍ମାନିତ ହୋଇ ଥିଲ

ଆଜି ଏ ପବିତ୍ର ଜୟନ୍ତୀ ବାସରେ

ଘେନ ଭକ୍ତି ନମସ୍କାର । 

ଡିସେମ୍ବର ମାସ ତେର ତାରିଖରେ

ଅଠରଶ ପଞ୍ଚ ତ୍ରିଂଶ

ମସିହା ରେ ତୁମେ ହୋଇଲ ଭୂମିଷ୍ଠ

ତୁମ୍ଭର ଜନ୍ମ ଦିବସ ।

ପ୍ରତି ବର୍ଷ ଆମେ ପାଳନ କରୁଛୁ

ତୁମର ପବିତ୍ର ସ୍ମୃତି

ଗାଥା ଗାଇ ମନ ପ୍ରାଣେ ପୁଣ୍ୟ କର୍ମ

ପାଇଁ ଆରପୁଚୁ ଭକ୍ତି ।

ଘେନ ଶ୍ରଦ୍ଧାଞ୍ଜଳୀ ପଠାଣି ସାମନ୍ତ

 ଜୟନ୍ତୀ ବାସରେ ଆଜି

ପବିତ୍ର ଉତ୍ସାହ ଶକତି ପ୍ରେରଣା 

ଜନ ମନେ ଦିଅ ସୃଜି ।

ଘେନି ଯାଅ ଆଜି ଜାତି ନମସ୍କାର

ଏ ପୂତ ପବିତ୍ର ଦିନ

ଚରଣ ରେ ତୁମ ଅର୍ପଇ ଆଦରେ 

ଜାତି ଭକତି ପ୍ରଣାମ ।