ଅଳସୀ କନ୍ୟା
ଅଳସୀ କନ୍ୟା
ଅନ୍ୟତ ଯୌବନା ମୌସୁମୀର
ରିମଝିମ ବର୍ଷାରେ
ଗୁପଚୁପ୍ ଭିଜୁଥିବା ଅପରୂପା ଝିଅଟି
ଲାଗେ ଏକ ଅବକ୍ଷୟିଷ୍ଣୁ ପ୍ରାଚୀରର ପରିସୀମା
ସେ ହୋଇପାରେ ପୁଷିତା ଅପସରାର ପ୍ରତିରୂପା
ଅବା ନଷ୍ଟ ଗାଧବୀର ପ୍ରତିରୋପିତା ବିଷକନ୍ୟା
ସୌନ୍ଦର୍ଯ୍ୟର ମୁଖଶାଳାରେ ଦିଗଭ୍ରଷ୍ଟ ପ୍ରେମିକା
ରୂପର ପସରା ମେଲେଇ ଜୀଉଁଥୁବା ଅଭିଶପ୍ତ
ଅଂତରଂଗ ଅସହାୟତାକୁ ବିକୁଥିବା ଗଣଧର୍ଷିତା
ନୀଳତୃଷ୍ଣାରେ ଅବଗାହନ ପୂର୍ବକ ଆଖି ମେଲୁଥିବା
ମୋ ଅଳସୀ କନ୍ୟା
ତା କଥାକୁହା ଆଖିର ଈଶାରାରେ ପ୍ରଲ୍ୟବିତ ଗଗନ
ତା ଲାଳୁଆ ହସରେ ବିଦୀର୍ଣ୍ଣ ବସୁଧା
ତା ଅର୍ବ ନିମୀଳିତ ଚକ୍ଷୁଯୁଗଳରେ ଅନଂତ କ୍ଷୁଧା
ଶତାବ୍ଦୀରେ ଗୋଟିଏ ସେ ମୋ ଅଳସୀ କନ୍ୟା।