Library
ପଥଭ୍ରଷ୍ଟ ଯୁବା
ପଥଭ୍ରଷ୍ଟ ଯୁବା
କହିଲେ କହିବ କହୁଛି
ଦେଶ ସାରା ଆଜି ନଗରା ବାଜୁଛି
ଯୁବା ପଥଭ୍ରଷ୍ଟ ହୋଇଛି
ସଂସାର ଯାକର ଜ୍ଞାନ ଅରଜି ବି
ଅଜ୍ଞାନ କଳଙ୍କ ବୋଳିଛି
ଅନ୍ୟାୟ, ଅନୀତି ,ଦୁର୍ନୀତି ର ଚେର
ତାଳୁ ରୁ ତାଳିପା ଲମ୍ବିଛି
ଭାରତ ସଂସ୍କୃତି ହେଉ ଅଧୋଗତି
ଏହା ସେ ଶପଥ ନେଇଛି
ଏଠି ଯୁବା ପଥଭ୍ରଷ୍ଟ ହୋଇଛି
ପର ସଂସ୍କୃତି କୁ ଆପଣାର କରି
ନିଜ ସଂସ୍କୃତି କୁ ଭୁଲିଛି
ଆଜି ଯୁବା ପଥଭ୍ରଷ୍ଟ ହୋଇଛି
ପର ଦେଶ ରେ ନିଜକୁ ବିକିଣ
ଅର୍ଥ ଉପାର୍ଜନ କରୁଛି
ମାତୃଭୂମି ମାତୃଭାଷା ର ମମତା
ଧୀରେ ଧୀରେ ଭୁଲି ଯାଉଛି
ଆଜି ଯୁବା ପଥଭ୍ରଷ୍ଟ ହୋଇଛି
ଯୌତୁକ ଯୌତୁକ ଶାଶୁ ଘର ଟେକ
ନଦେଲେ ନିଆଁ ରେ ଜାଳୁଛି
ଏଠି ବଧୁ ହତ୍ୟା ନୀତି ଘଟୁଛି
ନିଶା ବ୍ୟାଧି ଆଜି ଦେଶ ରେ ଅବଧି
ଯୁବା ଶକ୍ତି ଭୋଗ କରୁଛି
ଆଜି ଯୁବା ପଥଭ୍ରଷ୍ଟ ହୋଇଛି
କାହିଁ କେଉଁ ଘରେ ନିଶା ଖାଇ ମରେ
ଭଲା ଯୁବା ଜନ୍ମ ନେଇଛି
ଖାଲି ନୁହେଁ ପଥଭ୍ରଷ୍ଟ ବ୍ୟଭିିଚାରୀ ସାଜିଛି
ଦେଶଭକ୍ତି ନାମେ ଦେଶ ଲୁଣ୍ଠନ କରୁଛି
ପୌରୁଷ ହରାଇ ନିଜ ମର୍ଯ୍ୟାଦା ହାରୁଛି
ନାରକୀୟ କାଣ୍ଡ ଏବେ ନିଇତି କରୁଛି
ଅଭିନେତା ଆଦର୍ଶ କୁ ଆବୋରି ନେଇଛି
ଦେଶ ଭକ୍ତ ବୀର ବୋଲି ଦେଖାଇ ହେଉଛି
ନେତାଜୀ ଚରିତ୍ର ସିଏ ପାସୋରି ଯାଇଛି
ଭଗତ ସିଂ କିଏ ବୋଲି ପ୍ରଶ୍ନ ସେ କରୁଛି
ଆଜି ଯୁବା ପଥଭ୍ରଷ୍ଟ ହୋଇଛି
ବାସ୍ତବିକ ଦୁନିଆ ରୁ ବିରତି ନେଇଛି
ଡିଜିଟାଲ ଦୁନିଆ ରେ ପାଦ ସେ ଥାପିଛି
ମାନବ ନହେଇ ଯନ୍ତ୍ର ମାନବ ସାଜିଛି
ମାନବିକତା ର ମନ୍ତ୍ର କେବେଠୁ ଭୁଲିଛି
ନିଜେ ବଦଳିଲେ ଯୁଗ ବଦଳିବ ଭାଇ
ନିଜେ ସୁଧୁରିଲେ ଯୁଗ ସୁବର୍ଣ୍ଣ ଯେ ହୋଇ
ଏହା ମୁଁ କହୁଛି ନିତି ପ୍ରତିଦିନ ଭାଇ
ଶୁଣିଲେ କବିତା ମୋର ସାର୍ଥକ ଯେ ହୋଇ ।।
