ପଶ୍ଚାତ୍ତାପ

ଜୀବନରେ ଭାଇ ,ଡେରି କର କାଇଁ

କରିବାର କାମ ଆଜି ।

ଗଲେଥରେ ଆଜି ,ନ ପାଇବ ଖୋଜି

ଯିବ ଚିରଦିନ ହଜି ।।

ଅଛି ଯିଏ ପାଶେ ,ଥାଏ ପାଶେ ପାଶେ

କରନାହିଁ ଅନାଦର ।

କାଲି ସିଏ ପାଶେ ,ନଥିବେ କିଏ ସେ

ନ ଥିବେ କିଏ ନିଜର ।।

କର୍ମ କରିବାରେ, ନକର ହେଳାରେ

ଆସିବୋନି ସେହି ଦିନ ।

ଭାବିଲା ବେଳକୁ ,ନ ପାଇବ ତାକୁ

ଦୁଃଖେ କାଟିବ ଜୀବନ ।।

ହାତ ପାଣି ଗୁଣି ,ଗଲେ ସେ କହୁଣି

ଅନୁତାପେ ଦିନ ଯିବ ।

ନା ଥିବ ବସନ୍ତ, ନା ଥିବ କୋଇଲି

ନା ତାନ ମଧୁ ଶୁଭିବ ।।

ତେଣୁ ବାଇ ମନ, ଥାଉ ଥାଉ ଧନ

ବେଳରୁ ଯାଓ ସୁଧୁରି ।

ନହେଲେ ଜୀବନ, ହୋଇବ ଶ୍ମଶାନ

ଅନୁତାପେ ହେବ ଝୁରି ।।