🥦🌹 *ପ୍ରୟୋଜନ*🌹🥦 🥦🌹

ଆଖି ଖୋଲି ଦେଲେ ଆଖିର ଆଗରେ

    ଯାହା କିଛି ଦେଖାଯାଏ

କହି ପାରିବେନି କାହା ଜୀବନରେ 

   ପ୍ରୟୋଜନ ତାହା ନୁହେଁ ।

ବାଲି, ଗୋଡି, ମାଟି, ତରୁବନ, ଲତା

    ଜଳ, ଆକାଶ , ପବନ

ସବୁ ଜୀବ ପାଇଁ ଦିଏ ସେ ଜୀବନ

   ହୋଇଥାଏ ପ୍ରୟୋଜନ ।

ସନ୍ତାନର ପାଇଁ ମାଆ ପ୍ରୟୋଜନ 

    ମା ପାଇଁ ସନ୍ତାନ ତାର

ଛାତ୍ର ଛାତ୍ରଛାତ୍ରୀ ପାଇଁ ବିଦ୍ୟା ପ୍ରୟୋଜନ 

   ବହି ଥାଏ ଦରକାର ।

ରାଜନୀତି ପାଇଁ ନେତା ପ୍ରୟୋଜନ 

    କୁଟ ବୁଦ୍ଧି ଆବଶ୍ୟକ 

ଦେଶ ଲାଗି ସୈନ୍ୟ ପ୍ରୟୋଜନ ଥାଏ

     ବିପଦ ବଃଳରେ ଲୋକ ।

ବୃଦ୍ଧାବସ୍ଥେ ଆଶା ବାଡି ପ୍ରୟୋଜନ 

    ସାହା ଭରସା ସେ ଥାଏ

ନାରୀ ପାଇଁ ପୁରୁଷର ପ୍ରୟୋଜନ 

    ଦୁଃଖ ସୁଖ ସାଥି ହୁଏ ।

ଯୁଦ୍ଧ କ୍ଷେତ୍ରେ ଅସ୍ତ୍ର ବିଦ୍ୟା ପ୍ରୟୋଜନ 

    ଭୋକ ପାଇଁ ଖାଦ୍ୟ ଥାଏ

ଚାଷୀ ପାଇଁ ହଳ ଜମି ପ୍ରୟୋଜନ 

    ମାଟିର ମଣିଷ ସିଏ ।

ପ୍ରତ୍ୟେକ କର୍ମରେ କର୍ମ ପ୍ରୟୋଜନ 

    ତା ବିନା ନ ଥାଏ ଗତି

ପ୍ରୟୋଜନ ଗୋଟେ ଏମିତିକା ଶଦ୍ଦ 

   ହୁଏନା କାହା ପାଇଁ ଇତି ।

ଛୋଟ ଠାରୁ ବଡ କୀଟ ଠାରୁ ବ୍ରହ୍ମ 

    ପ୍ରତି ଜୀବନରେ ଥାଏ

ଏମିତି କେହିବି ନାହିଁ କେହି ଜଣେ

    ମନା କରିପାରେ ସିଏ ।

ଭକ୍ତ ପାଇଁ ପ୍ରଭୁ ପ୍ରୟୋଜନ ଥାଏ

     ତୃଷାର୍ତ୍ତ ପାଇଁ ତ ଜଳ

ବଞ୍ଚିବା ପାଇଁ ତ ଶ୍ରମ ଦରକାର 

    ଥାଏ ପୁଣି ମନ ବଳ ।

ଖାଦ୍ୟ ବସ୍ତ୍ର ବାସଗୁହ ପ୍ରୟୋଜନ 

   ସବୁ ଜୀବନରେ ଥାଏ

ଗୋଟିକ ବିନା କି ଏଇ ଦୁନିଆରେ 

    କୁହ କିଏ ବଞ୍ଚି ଥାଏ ?

ସକାଳ ହୋଇଲେ ମୁଖ ଧୌତ ପାଇଁ 

   ଜଳ ପ୍ରୟୋଜନ ଥାଏ

ସେହି ଜଳ ନିତ୍ୟ ବ୍ୟବହାର୍ଯ୍ୟ ସହ

   ସବୁ କ୍ଷେତ୍ରେ ଲୋଡା ହୁଏ ।

ଯାହା କରିବାକୁ ଚେଷ୍ଟା କର ତୁମେ

   ପ୍ରୟୋଜନ ତାହା ପାଇଁ 

ସେହି ମୁତାବକ ଦ୍ରବ୍ୟ ଆବଶ୍ୟକ 

   ନିଶ୍ଚିତ ଯେ ହେଇଥାଏ ।

ଜନମରୁ ମୃତ୍ୟୁ ପର୍ଯ୍ୟନ୍ତ ଏହାତ

    ସମସ୍ତଙ୍କ ପାଇଁ ଥାଏ

ପ୍ରୟୋଜନ ଗୋଟେ ଏମିତିକା ଶଦ୍ଦ 

    ନା କେବେ ବିଲୀନ ହୁଏ ।