ପ୍ରୟାସ
ପ୍ରୟାସ
ଜୀବନ ଯନ୍ତ୍ରଣା ସଘଂର୍ଷ ନଈରେ
ପ୍ରୟାସ ଏକ ତ ତରୀ
ନିଷ୍ଟା କର୍ତ୍ତବ୍ୟରେ ଅଗ୍ରସର ହେଲେ
ପାରି ହୁଏ ଭବ ବାରି ।
ଝଡ ଝଞ୍ଜା ଦୁଃଖ ଯେତେ ଆସୁ ପଛେ
ଯଦି ତା ପ୍ରୟାସ ଥାଏ
ଏଇ ଦୁନିଆରେ ସହଜରେ କେବେ
ନା ହାର ମାନେ ସିଏ ।
ଜୀବନର ଶେଷ ନିଃଶ୍ବାସ ପର୍ଯ୍ୟନ୍ତ
ପ୍ରୟାସ ରଖିଣ ଥିଲେ
ସବୁ ବାଧା ବିଘ୍ନ ଆଡ ହେଇ ଯାଏ
କଷ୍ଟ ନା ଛୁଅଁଇ ଭଲେ ।
ଏଇ ପ୍ରୟାସ ଯେ ସଫଳ ଆଣଇ
କେବେ ବିଫଳ କରାଏ
ତଥାପି ସେଥିରେ ତାହାର ସମ୍ମାନ
ଯୁଗ ଯୁଗ ପାଇଁ ଥାଏ ।
ଅଭିମନ୍ୟୁ ଚକ୍ରବ୍ୟୁହ ମଧ୍ୟେ ଥାଇ
ସଂଗ୍ରାମ କରିଲେ ଘୋର
ବାହାରିବା ପନ୍ଥା ଜଣା ତ ନ ଥିଲା
ପ୍ରୟାସ କଲେ ଅପାର ।
ବୀର ପୁତ୍ର ଭାବେ ଧର୍ମର ଯୁଦ୍ଧରେ
ଜିତିବା ପ୍ରୟାସ କଲେ
ଘୋର ସମରରେ ମୃତ୍ୟୁକୁ ଲଭିଲେ
କୀର୍ତ୍ତି ଧ୍ବଜା ଉଡାଇଲେ ।
ପିତୃଭକ୍ତ ଇନ୍ଦ୍ରଜିତ ପ୍ରୟାସରେ
ତ୍ରିପୁର ଦୋହଲି ଗଲା
କୋକୁଆ ଭୟରେ ଥରମହ ମହୀ
ଘୋର ସମର ସେ କଲା ।
ଜିତିବା ପ୍ରୟାସ ରଖେ ଇନ୍ଦ୍ରଜିତ
ମାରିବାକୁ ସଉମିତ୍ରୀ
ଲକ୍ଷ୍ମଣ ପ୍ରୟାସ ସଫଳ ହୋଇଲା
ଲୋଟିଲା ସିଏ ଧରିତ୍ରୀ ।
ଛୋଟ ଶିଶୁ ଦେଖ ଚାଲିବା ପ୍ରୟାସ
ବାରମ୍ବାର କରୁଥାଏ
ପଡିଗଲେ ଥରେ ନା ଡରୁ ଥାଏ
ଶେଷେ ଚାଲି ପାରେ ସିଏ ।
ଚଢେଇ ଛୁଆଟି ଖଣ୍ଡି ଉଡା ଦେଇ
ଉଡିବା ପ୍ରୟାସ କରେ
ବାରମ୍ବାର ପଡି ପ୍ରୟାସ କରି ସେ
ଉଡେ ନୀଳ ଆକାଶରେ ।
କୈଣସି କାର୍ଯ୍ୟକୁ କରିବା ଆଗରୁ
ପ୍ରୟାସ ରଖିଲେ ଜାରି
ଏଇ ଦୁନିଆରେ ଦିନେ ହେଲେ ସିଏ
ପଥ ଯାଏ ଅନୁସରି ।
ପ୍ରୟାସ ତ ଥିଲେ ଲକ୍ଷ୍ୟ ସ୍ଥଳ ମିଳେ
ବିନା ପ୍ରୟାସରେ କିଏ
କହି କି ପାରିବ ଏଇ ଜଗତରେ
କେବେ ପ୍ରତିଷ୍ଠିତ ହୁଏ ।
ଏମିତି କେହି ତ କଣେ କେହି ନାହିଁ
ପ୍ରୟାସ କେବେ କରିନି
କୀଟ ଠାରୁ ବ୍ରହ୍ମ ପରିଯନ୍ତେ ଦେଖ
ବିନା ପ୍ରୟାସେ ରହିନି ।
ପ୍ରତ୍ୟେକ କାର୍ଯ୍ୟରେ କରେ ସେ ପ୍ରୟାସ
ହୃଦେ ଭଗବାନ ସ୍ମରି
ମଶାଣୀ ଜୁଇରେ ଜଳିବା ପର୍ଯ୍ୟନ୍ତ
ପ୍ରୟାସ ଥାଏ ସେ କରି