ପ୍ରତିଶ୍ରୁତି

କାହାଠାରୁ 

ଖବର ପାଇଲା ପରେ

ସରି ମରି ଧାଇଁଥିଲି ଡ଼ିଟିପି ସେଣ୍ଟର

ଜୀବନର ଗୋଟେ ଖୁସି ପାଇଁ !

କାହାଠାରୁ 

ପ୍ରତିଶ୍ରୁତି ପାଇଲା ପରେ

ମନେମନେ ଭାବି ନେଇଥିଲି ଅନେକ କିଛି

ଆସିବ କବିତା ନୂଆ ଏକ ପୃଥିବି ପୃଷ୍ଠାରେ

କବିତା ତ ନୁହଁ ଥିଲା ସମାଜର କିଛି ବ୍ୟଥା

ଯଉଠି ନିବେଦନ ଥିଲା "ହେ ଈଶ୍ୱର" ଶୀର୍ଷକରୁ !

ବିଶ୍ୱାସ ଥିଲା 

ଅଜଣା ମଣିଷର ପ୍ରତିଶ୍ରୁତିରେ

ରାହା ଧରି ବସିଥିଲା ବାଳୁଙ୍ଗା ମନ

ମୋ ଗାଁ, ମୋ ନାଆଁ 

ଆସିବ ରଙ୍ଗୀନ ମଲାଟର ଛାତିରେ !

ବାସ୍ତବରେ ବିଶ୍ୱାସ, ପ୍ରତିଶ୍ରୁତି ଭାଙ୍ଗିଯିବା 

ନୂଆ କଥା ନୁହେଁ ଆଧୁନିକ ଦୁନିଆରେ

କେତେ ଥର ଭାଙ୍ଗିବ ମନ

କେତେ ଥର ଚାହିଁବ ଆଖି ତାର ହିସାବ ନାହିଁ

ହିସାବ ରଖିବା ବି ଗୋଟେ ଭୁଲ !

ଛାଡ଼ ! 

ଛାଡ଼ିଦେବା ହିଁ ଗୋଟେ ଖୁସି

ଛାଡିଲା ପରେ ହିଁ ଆଗେଇବ ଏ ମନ

ନୂଆ ଏକ ପଥପ୍ରାନ୍ତେ !!