ପ୍ରତିବିମ୍ବ ଆକାଶର
ପ୍ରତିବିମ୍ବ ଆକାଶର
ସାଗରର ନୀଳ ଜଳରାଶି ପରେ
ଝଲସଇ ପ୍ରତିବିମ୍ବ,
ତାରା ମେଳେ ଜହ୍ନ ହସୁଥାଏ ପୁଣି
ସୁନୀଳ ସୁନ୍ଦର ନଭ ।
ଲାଗେ ସତେ ଅବା ପ୍ରୀତିର କୁହୁକ
ଭରିଛି ସାଗର ଜଳେ ,
ଆକାଶର ପ୍ରତିବିମ୍ବ ଦେହେ ଧରି
ପ୍ରେମ ରଙ୍ଗ ପ୍ରତିଫଳେ ।
ପୃଥିବୀ ଆକାଶ ଏକତ୍ର ହୁଅନ୍ତି
ନୀଳ ଜଳ ରାଶି ପରେ ,
ମେଘମାଳା ମାନ ଲାଗଇ ଏମିତି
ବୋଇତ ଭାସି ଯାଏରେ ।
ଏଇ ପୃଥିବୀର ପ୍ରତିବିମ୍ବ ଅଟେ
ବିଶାଳ ଆକାଶ ବକ୍ଷ ,
ସୂର୍ଯ୍ୟ ଚନ୍ଦ୍ର ତାରା ହୋନ୍ତି ଆତଯାତ
ଗଗନ ମଣ୍ଡଳେ ଦେଖ ।
ଜଳରାଶି ପରେ କାଚ ଦର୍ପଣରେ
ନଭ ପ୍ରତିବିମ୍ବ ଦେଖି ,
ଭ୍ରମରେ ପଡଇ ଧରିବାକୁ ଯାଇ
ମନ ମୋର ଯାଏ ଲାଖି ।