ପ୍ରତିଭା

ପ୍ରତିଭା ଥିଲେ ତ ମଣିଷ ନିଶ୍ଚୟ ଉଚ୍ଚକୁ ଉଚ୍ଚକୁ ଯିବ,

ବ୍ୟବହାର ଭଲଥିଲେ ସେ ମଣିଷ ଉଚ୍ଚ ସମ୍ମାନ ପାଇବ ।

ଆମରି କାର୍ଯ୍ୟକୁ ଦେଖି କେହି ଯଦି ସନ୍ଦେହ କରୁଛି ମନେ,

କେବେ ତାକୁ ଅନ୍ୟ ଅର୍ଥରେ ନ ନେଇ କାର୍ଯ୍ୟ କରୁଥିବା ଆମେ ।

ଲୁହାକୁ ତ କେହି ସନ୍ଦେହ କରେନା ଖାଦ ରହିଛି କି ନାହିଁ,

ମୂଲ୍ୟବାନ ଧାତୁ ସୁବର୍ଣ୍ଣରେ କିଛି ଖାଦ ଅବଶ୍ୟ ରହଇ ।

ସୁନାବୋଲି କେହି ଭାବି ସେ ଆମକୁ ପରଖି ନେଉଛି ଜାଣ,

ଲୁହା ଭାବିନାହିଁ ବୁଝିଗଲେ ଆମ ଜୀବନ ହୋଇବ ଧନ୍ୟ ।

ସହନଶୀଳତା ମଣିଷର ପାଇଁ ସବୁଠାରୁ ବଡ଼ବଳ,

ପ୍ରତିଶୋଧ ପାଇଁ ପ୍ରସ୍ତୁତ ହୁଏ ଯେ, ଜାଣିବା ସିଏ ଦୁର୍ବଳ ।

କ୍ଷମା ଦେଇପାରେ ସହିପାରେ ଯିଏ ଶକ୍ତିଶାଳୀ ଲୋକ ସେହି,

ଦୁର୍ବଳ ଲୋକଟି କ୍ରୋଧବଶେ କ୍ଷତିକରେ ଆତ୍ମଘାତି ହୋଇ ।