"ପ୍ରଥମ ପ୍ରେମର ରଙ୍ଗ"

ଗୋଲାପ ଦିବସେ

ଗୋଲାପ ଦେଇ ମୁଁ କରିବି ନିଜର

ଆସୁ ପଛେ ଯେତେ

ବାଧା ବନ୍ଧନକୁ କରିବି ମୁଁ ଦୂର

ଫୁଲେଇ ପ୍ରିୟା ମୋ

ରାଗେ ସେ ଟିକିଏ ଟିକିଏ କଥାରେ

ଭାରି ଗେହ୍ଲେଇ ସେ

ଋଷି ଯାଏ ନାହିଁ କେବେ ମୋ ଉପରେ

ପ୍ରଥମ ପ୍ରେମର

ରଙ୍ଗ ଲାଗି ଅଛି ଦେହରେ ତାହାର

ଉଚ୍ଛୁଳା ନଈରେ

ପାଦ ଧୋଇ ସିଏ ଲାଗଇ ନିଜର

କେବେ ସେ ଆସିବ

ସାଥେ ମୋର ମଥାରେ ଓଢଣା ଦେଇ

ତାକୁ ପାଇ ସତେ

ଦୁଃଖ ଦିନ ଯେତେ ରେ ଭୁଲିବି ମୁହିଁ

ମୋ ଘର ହସିବ

ଆଚାର ବିଚାର ସେବାରେ ତାହାର

ଭୁଲି ଯିବି ସବୁ

ଛନ୍ଦ,କପଟ ହିଂସା କ୍ରୋଧ ମୋହର

ଘର ଝୋଟି ପୂଜା

ନିଜ ହାତେ ସିଏ କରିବ ତାହାର

ଭକ୍ତିର ପୂଜାରେ

ସନ୍ତୁଷ୍ଟ ହୋଇବେ ଦେବାଦେବୀ ନର