ପ୍ରଥମ ପ୍ରେମ

ପ୍ରଥମ ପ୍ରେମର ରଙ୍ଗ

ଦରଦୀ ଦେହରେ ନେସି ହେଲା ପରେ

ନିରିମାଖି ଆଖିରେ

ଦିଶେ ହଜାରେ ଅନାବନା ସପନ

ଚଞ୍ଚଳ ହୁଏ ତା ମନ

ଦିନ ପରେ ଆଉ ରାତି ଆସେନି

କି ଅନ୍ଧାର ସରିଲେ ସକାଳ ବି ହୁଏନି

ରାତି ସରିଯାଏ ସପନ ସରେନି

ନିଦ ମାଉସୀ ରୁଷି ଯାଇ

ଅଭିମାନ କରି କୋଣରେ ମୁହଁ ମୋଡ଼ି ବସେ

ଖରା ତାତିରେ ବି ଦେହ ଥରେ

ଆଉ

ମାଘ ଶୀତରେ ବି ଝାଳ ବୋହିବା ବନ୍ଦ ହୁଏନି

ପୃଥିବୀ ଟା ସରଗୀ ରାଇଜ ପରି ମନେହୁଏ

ପାଟି ଖାଲି ରୋମାଣ୍ଟିକ ଗୀତରେ

ଗୁଣୁ ଗୁଣଇ ହେଉଥାଏ

ପ୍ରଜାପତି ଆସେ

ତା କଅଁଳିଆ ଗାଲରେ ବସେ

ନୀରୀମାଖିକୁ ଗେଲ କରେ

ମନ ହରଷେ

ବରଷା ରାଣୀ

ଇନ୍ଦ୍ରଧନୁ ନେଇ ଆସେ ପୁଣି

ନିଜେ ଭିଜି ଭିଜାଏ ନିରିମାଖିକୁ

ଶ୍ରାବଣ ସାଥିରେ

ତାଳ ଦେଇ ନାଚେ ନୀରୀମାଖି

ଗାଇ ଗାଇ ଗୀତ

ଝୁରି ଝୁରି

ତା ମନର ମିତ l