ପ୍ରତାରଣା
ପ୍ରତାରଣା
ପ୍ରତାରଣା ଦେଇ ଭୋଗୁଛି ମୁଁ ଆଜି
ଜୀବନର ପରିଣତି
ଦଂଶନ କରୁଛି ଅତୀତର ଯେତେ
ଅଫେରା ଅସରା ସ୍ମୃତି
ଚଇତି ଚାନ୍ଦିନୀ ମୋ ମନ ଦୁଆରେ
ଡାକିଦେଇ ଲୁଚିଗଲା
ଫୁଲେଇ ଫଗୁଣ ତରୂଶାଖା ଡାଳେ
ଝୁଲି ଝୁଲି ଖେଳୁଥିଲା
ଉଇଁ ଆସୁଥିଲା ସକାଳ ସୁରୁଜ
ଝରାଇ ଶିଶିର ମୋତି
ଗୋଧୂଳୀ ସଂଜର ବଧୂଲୀ ଓଠରେଥିଲା
ଥିଲା ତାର ସ୍ମିତ ହସ
ଚପଳ ଛୁଆଁରେ ଚଇତି ଚାନ୍ଦିନୀ
ରଚୁଥିଲା ପ୍ରୀତି ରାସ
ମନ ତଳେ ତାର ସ୍ବପ୍ନିଳ ଆବେଗ
ଉଠୁଥିଲା ସତେ ମାତି
ଅନେକ ଦୂରରେ ରହିଗଲା ସ୍ମୃତି
ଅନେକ ଦୂରରେ ତମେ
ଛାଡି ଯାଇ ଥିବା ତୁମ ସ୍ମୃତି ଧାରେ
ମନ ଅଛି ସବୁ ଦିନେ
ପ୍ରବଣତା ଯେତେ ପ୍ରଶ୍ନବାଚୀ ହୋଇ
ବଢାଏ ଦେହରେ ତାତି