ପ୍ରତାରକ ପାଇଁ ପଦେ

ବିଶ୍ୱାସ ନିଶ୍ୱାସ ଦୁଇ ବିଶେଷ ଜୀବନ ବିନ୍ଦୁ 

ଥରେ ଗଲେ ନଫେରଇ ଯଥା ଜଳ ମଧ୍ୟେ ଇନ୍ଦୁ

ବିଶ୍ୱାସ ଜିତିବା ପାଇଁ ଯୁଗଟିଏ ଉଣା ହୁଏ

ମୁହୁର୍ତ୍ତରେ ତାହା ପୁଣି ଭାଂଗି ଚୁନାଚୁନା ହୁଏ

ଛଳନା ପ୍ରତାରଣାର ଜାଲ ବୁଣି ଛକିଥାଏ

ସୁଯୋଗ ଉଣ୍ଡି ସେ ଅଣ୍ଟିଛୁରି ତଣ୍ଟି କାଟିଦିଏ

ସରଳ ପ୍ରାଣ ଦୟାଳୁ ମିତ୍ରପ୍ରେମୀ ଜନ ମାନ

ପ୍ରତାରଣା ଜାଲେ ପଡି ହେଉଥାନ୍ତି ହୀନିମାନ

ମିତ୍ରଦ୍ରୋହୀ ପ୍ରତାରକ କୃତଘ୍ନ ସମଜାତୀୟ 

ବିଶ୍ୱାସେ ବିଷ ଭରନ୍ତି ସର୍ବାଦୌ ସେ ବର୍ଜନୀୟ

ପ୍ରତାରକ ଚେତିଯାଅ ଚିତ୍ରସେନ ପାଂଜି ଧରି

ହିସାବ କରୁଛି ତୁମ ପାପଘଡା ଗଲେ ଭରି

ଜୀବଗଲେ ଦଣ୍ଡ ଦେବ କୁମ୍ଭୀପାକ ନରକରେ

ତୁମ୍ଭକୁ କଲେ କି ହେବ ପରିଣାମ ଭାବ ଥରେ

ସରଗଠୁ ବଳି ସ୍ନେହ ବିଶ୍ୱାସ ଦିଅ ପୁରେଇ

ପ୍ରତାରଣା ପ୍ରତିଶୋଧ ମରତୁ ଯାଉ ଉଭେଇ