ପ୍ରଶ୍ନ ବାଚୀ

କେତେ ଦିନ ଆଉ ମିଥ୍ୟାରେ ବଞ୍ଚିବ

କରୁଥିବ ଅତ୍ୟାଚାର ।

ଜନତାଙ୍କୁ ତୁମ ପ୍ରତାରଣା କରି

ଭାଙ୍ଗିବ ସୁନା ସଂସାର ॥

ପଦ ପାଇଁ ଏଠି ଲଢ଼େଇ ଚାଲିଛି

ଭୋଟରଙ୍କୁ ଫୁସୁଲାଇ ।

ରାମ ରାଇଜ ଟେ ତୋଳି ଦେବୁ କହି

ଧୋକା ଦିଅ ତୁମ୍ଭେ କାହିଁ ॥

କାର୍ଯ୍ୟବେଳେ ଭଜ ମାଆ ଓ ମାଉସୀ

ପ୍ରିୟର ଭାଇ, ଭଉଣୀ ।

ସଫଳତା ପରେ ସେ ମାନସମ୍ମାନ

ଦେଖାଏ ମାଡ଼ କହୁଣୀ ॥

ତେଲେଇ ତେଲେଇ ଲାଞ୍ଚ ଖାଅ ତୁମ୍ଭେ

ଦଶପଦକ ରେ ଥରେ ।

ତେଲିଆ ମୁଣ୍ଡରେ ତେଲ ଢାଳିଥାଅ

ଯେବେ , ଦୁଃଖୀ ମୁଖେ ଲୁହ ଝରେ ॥

ରାଜ ସିଂହାସନ ମିଳିଲେ ତୁମ୍ଭକୁ

ଛୋଟ ବଡ଼ ମାନ ନାହିଁ ।

ନିଜକୁ ସବୁଠୁଁ ଉଚ୍ଚ ମନେ ଭାବି

ଅପମାନ ଦିଅ କାହିଁ ?

ଜନତା ଟଙ୍କାରେ ଘର ବାଡ଼ି ତୋଳ

ଆହୁରି ଉପୁରି ଖାଇ ।

ଦେଶର ଶାସନ ପିଲା ଖେଳ ଭାବି

କାର୍ଯ୍ୟକ୍ଷେତ୍ରେ ଯାଅ ଶୋଇ ॥

ହସେ ସରକାର,ଏ ଜନେ ଛାରଖାର

ତୁମ୍ଭ , ପାପାର୍ଜିତ ଧନ କହେ ।

ସମୟର କଣ୍ଟା ଦିନ ମଲାଟରେ

ଆଜି ପ୍ରଶ୍ନବାଚୀ ଚିହ୍ନ ଦିଏ ॥