କାହାପାଇଁ ଲେଖିବି ମୁଁ ପ୍ରେମର କବିତା

କାହାପାଇଁ ଲେଖିବି ମୁଁ ପ୍ରେମର କବିତା

ନା ଅଛି ପ୍ରେମର ରଙ୍ଗ ମଞ୍ଚ

ନା ଅଛି ମୋର ପ୍ରେମିକା ।

ସ୍ଵପ୍ନେ ହେଉ ଅବା ବାସ୍ତବରେ ହେଉ

ମୋ ଜୀବନ ଚାଲଇ ଏକା ॥

ପ୍ରେମର ଫଗୁଣ ଦୁରେଇ ଦେଇଛି

ନିରଳା ହୃଦୟ ରଚି ।

ବନ୍ଧୁତ୍ଵରେ ମୋର ଆଙ୍କି ଦେଇଅଛି

ଘୃଣ୍ୟ ଭରା ପ୍ରଶ୍ନବାଚୀ ।

ଦୁର୍ଭାଗ୍ୟ ଜୀବନେ କେହି ଆସିନାହିଁ

ବାନ୍ଧିବାକୁ ପ୍ରେମ ସୂତା

କାହାପାଇଁ ଲେଖିବି ମୁଁ ପ୍ରେମର କବିତା ।

ଗୋଲାପ କହୁଛି ମତେ ତୁ ଛୁଅଁନା,

ଡାଏରୀ କହୁଛି ମତେ ।

ଆକାଶର ଚାନ୍ଦ ଲାଜେଇ ପଡୁଛି

କାହାକୁ କହିବି ଏତେ ॥

କେହି ନ ଚାହାନ୍ତି ବୁଝିବାକୁ ମୋର

ଆକାଂକ୍ଷିତ ମନ କଥା ।

କାହାପାଇଁ ଲେଖିବି ମୁଁ ପ୍ରେମର କବିତା ।

ଥୁଣ୍ଟା ମରୁଭୂମି ହୃଦୟ ସାଜିଛି

ଗଢି ପ୍ରେମ ମରୀଚିକା ।

ତୃଷ୍ଣା ବାଟୋଇଟେ ସଜାଇଛି ମତେ

ଏଇ ଜୀବନକୁ କରି ଫିକା ॥

ଭାଙ୍ଗିଯାଇ ଅଛି ମନଟା ମୋହର

ହରାଇ ପ୍ରେମର ବାର୍ତ୍ତା ।

କାହାପାଇଁ ଲେଖିବି ମୁଁ ପ୍ରେମର କବିତା ।