ଅଲାଜୁକ ନଟିଆ

ନଟିଆ ଆମର କଲେଜ ଯାଉଛି

ଦଶମ କିଲାସ ଡେଇଁ ।

ଚୁଟି କଟାଠାରୁ ଫ୍ୟସନରେ ତାର

କୌଣସି ଅଭାବ ନାହିଁ ॥

ବାପା ଧରିଛନ୍ତି ଚିପା ମୋବାଇଲି

ପୁଅ ଧରିଅଛି ଛୁଆଁ ।

ପକେଟେ ପୁଡ଼ିଆ , ଓଠେ ସିଗାରେଟ

ଚିପିକି କାଢୁଛି ଧୂଆଁ ॥

ଜିନିସି ପିଆଣ୍ଟ ପିନ୍ଧିଛି ଯେ ଟୋକା

ଚିରା ଫଟାଫଟା ଦିଶୁଛି ।

ମୁହେଁ ବୋଳି ସିଏ, ସ୍ନୋ ପାଉଡର

ଦରପଣ ଆଗେ ମାଖୁଛି॥

ଟିକିଟକ କରି ସେଲଫି ଉଠାଇ

ହଜାରେ ମେସେଜ ଛାଡୁଛି ।

ବାଟେ ଘାଟେ ଝିଅ ନଜରେ ଆଇଲେ

ହୁଇସିଲି ଗୀତ ମାରୁଛି ॥

କଲେଜ ଛୁଇଁଲା - ନଲେଜ ଉଇଁଲା

ପାଠପଢ଼ା ମନ ଛାଡି ।

ଅଲାଜୁକ ଏହି ନଟିଆ ଆମରି

ବୁଲେଟେ ଆସୁଛି ମାଡ଼ି ॥