ପରୋପକାର ସ୍ୱର୍ଗାୟ ଭାବନା

ଦୃଢ ଓ ସୂକ୍ଷ୍ମ ଭାବେ ଅବଲୋକନ 

କଲେ କୁସୁମକୁ

ପାଇବା ତ ଆମେ ତାର ରୂପ, ଗୁଣ

ଓ ସୁଗନ୍ଧକୁ  ।

ପାଉଛେ ତିତିଲି ଗୋିଟିଏ ଆନନ୍ଦରେ 

ଉଡି ଉଡି ଆସେ

ଫୁଲରେ ଭରି ରହିଥିବା ମଧୁ ପିଇ ନିଏ 

ବିଦାୟ ହରଷେ ।

କିଛି ସମୟରେ ପ୍ରେମମୟ ସୁଧାମୟ

ଭ୍ରମର ଆସଇ

କୁସୁମ ସହିତ ମିଶି ଉଡିଯାଏ ତାର ଶାଶ୍ୱତ

ଗୀତକୁ ଶୁଣେଇ ।

ପ୍ରେମ ଗୀତ ଗାଇ ଗାଇ ମଧୁମକ୍ଷୀ ମଧୁ

ଶୋଷିବାକୁ ଆସେ 

ପ୍ରୀତିର ପସରା ସହ ଫୁଲ ଆନନ୍ଦ ସହ 

ତାହା ସାଥେ ମିଶେ ।

<

Advertisement

/p>

ଉତ୍ତମ ଭାବରେ ଜାଣିଛି କୁସୁମ ନିଶ୍ଚୟ 

ମଉଳି ତ ଯିବ

କିନ୍ତୁ ପୁଷ୍ପର ଡର ନାହିଁ, ନାହିଁ ତାହାର ମନେ 

ଅବସାଦ ଭାବ ।

ମନେରଖିବା ଆମେ ଦଣ୍ଡେ ଜିଇ ଯଦି କାହା

କାମରେ ଆସଇ

ପରୋପକାରରେ ଆସିବା ଜୀବନର ପରମ

ଧରମ ଅଟଇ ।

ଏହା ତ ପ୍ରାଣୀ ଜଗତର ଜୀବନ ଦର୍ଶନ ଜାଣ 

ଭଉଣୀ ଭାଇ

ସଦା ନିଜେ ଖୁସି ରହିବ ପର ପାଇଁ କିଛି ସେବା

ଯେ କରଇ ।

ପ୍ରକୃତିକୁ ଭଲ ଭାବେ ଆମେ ଅନୁଧ୍ୟାନ କରିବା

ଯେତେବେଳେ

ପରୋପକାର ସ୍ୱର୍ଗାୟ ଭାବନାର ଶିକ୍ଷା ପାଇବା 

ସେତେବେଳେ ।