ପ୍ରଣୟିନୀ

ମୋ ମନ ମନ୍ଦିରେ, ହୃଦ ସିଂହାସନେ

ରଖିଛି ଦେବୀ ଆସନେ ।

ତୁମ ପୂଜା ପାଇଁ , ନିତି ତୋଳେ ଯାଇ

ଫୁଲ ମୁଁ କେତେ ଯତନେ ।।୧

ଛବି ମୁଁ ଆଙ୍କିଛି ,ରଙ୍ଗେଇ ଦେଇଛି

ରକତ ନାଲି ରଙ୍ଗରେ ।

ଯିବ ନାହିଁ ପ୍ରିୟା , କରି ଏକୁଟିଆ

ଛାଡ଼ି ଯେ ପଥ ଅଧାରେ ।।୨

ନୁହେଁ ଖାଲି ତୁମେ ,ପ୍ରେମିକା ମୋହର

ତୁମେ ହୃଦୟ ସ୍ପନ୍ଦନ ।

ସ୍ପନ୍ଦନ ବିନାରେ, ହୃଦୟ ଯେ ମରେ

ଯାଏ ଚାଲି ଏ ଜୀବନ ।।୩

ଦିନେ ନଦେଖିଲେ, ମନ ମୋ ଚହଲେ

ଦେଖିବା ପାଇଁ ତୁମକୁ ।

ଚାହିଁ ବସିଥାଏ, ବଗ ପରି ମୁଁ ଯେ

ଆସିବା ତୁମ ବାଟକୁ ।।୪

ମୋ ମନ ନାୟିକା ,ତୁମ ବିନା ଏକା

ଲାଗଇ ଏଇ ଦୁନିଆ ।

ଯେତେ ଦେଖିଲେ ବି, ଲାଗେ ଖାଲି ଖାଲି

ମନ ହୁଏ ଅମାନିଆ ।।୫

ତୁମେ ମୋ ରୂପସୀ , ଦେଲେ ଟିକେ ହସି

ଫେରେ ପିଣ୍ଡେ ପ୍ରାଣ ମୋର ।

କଥା ଦିଅ ସତେ, ଛାଡ଼ିବନି ମୋତେ

କରିବନି କେବେ ପର ।।୬