ଲାଇବ୍ରେରୀ
ପ୍ରୋଫାଇଲ୍
ପ୍ରଣୟିନୀ
ପ୍ରଣୟିନୀ
1 min
167
ସପନରେ ଦିନେ ଆସିଥିଲା ବର୍ଷା
କହିଥିଲା ମୋର କାନେ
ଝରକା ସେପାଖେ ନୃତ୍ୟ କରୁଥିବି
ଦେଖିବୁ ତୁ ଦିନେ ଦିନେ
ମୋ ପାଦ ପାଉଁଜି ରୁଣୁ ଝୁଣୁ ସ୍ୱରେ
ଧିରେ ଗାଉଥିବ ଗୀତ
ନିରବ ଅନ୍ଧାରେ ଡାକିବି ପାଖକୁ
ଭିଜାଇ ଦେବି ଗୋ ମିତ
ଭିଜିଲେ ଜାଣିବୁ ବରଷା ନୁହେଁ ମୁଁ
ପ୍ରିୟା ତୋର ପ୍ରଣୟିନୀ
ଝରକା ସେପାଖେ କେବଳ ତୋ ପାଇଁ
ତୋଳୁଛି ସଙ୍ଗୀତ ଧ୍ୱନୀ
ମୁଁ ତୁମ ସ୍ୱପ୍ନର ଅଳସୀ ନାୟିକା
ତୁମେ ମୋ ଗୀତର ସ୍ୱର
ତୁମପାଇଁ ଦେଖ ଆକାଶୁ କେମିତି
ଝରୁଛି ମୁଁ ଝରଝର
