ପରଂବ୍ରହ୍ମ

ଷଡ଼ ଋତୁ ମଧ୍ୟେ ତୁମେ ବସନ୍ତ ମଳୟ

ତୁମେ ମୋ ଭକ୍ତିର ଆଳୟ ।

ତୁମ ସରଜନା ଅଟେ ଅତୀବ ସୁନ୍ଦର

ସେ ସୁନ୍ଦର କି ବର୍ଣ୍ଣିବି ନାହିଁ ପଟ୍ଟାନ୍ତର ।

ହୃଦ ମନ୍ଦିରେ ତୁମକୁ ସଜାଇ ରଖିଛି

ଦେଇ କସ୍ତୁରୀ,ଚନ୍ଦନ ମୁଁ ଛଡ଼ା ତୁଳସୀ ।

ସେ ତୁଳସୀ ନାଇ ତୁମେ ପ୍ରୀତ ହୋଇ ଥାଅ

ମହାବାହୁ ବଳିଆର ନାମ ବହିଥାଅ ।

ଜଗତକଲ୍ୟାଣକାରୀ ତୁମେ ଜଗତକରତା

ଯୁଗେ ଯୁଗେ ବାଜୁଥାଉ ତୁମ ଗୁଣ ଗାଥା ।

ଦୁଃଖୀ ଜନ ଭାବନାରେ ତୁମେ ଆସୁଥାଅ

ନୀଳକନ୍ଦରରେ ବସି ଦୁଃଖ ଶୁଣୁଥାଅ ।

ହେ ସୃଷ୍ଟି ପାଳକ ତୁମେ ଆହେ ଚକ୍ରଧାରୀ

ସୃଷ୍ଟି ପାଳି ଧର୍ମ ରଖି ହେ ବିଶ୍ୱ ବିହାରୀ ।

ହେ ମୋହନ ବଂଶୀଧାରୀ ତୁମେ ମୋହନିଆ

ସଦା କାଳ ଥାଉ ତୁମ ସାଥେ ମୋର ଭାବ ଦିଆନିଆ ।

ତୁମେ ତ ଅସୀମ ତୁମେ ତ ପ୍ରାଣର ପ୍ରତିମ

ତୁମେ ବିଷ୍ଣୁ ତୁମେ ଶିବ ତୁମେ ପରଂବ୍ରହ୍ମ ।