ପରମବ୍ରହ୍ମ, କଅଣ ମିଛ ଓ କଳ୍ପନା ?
ପରମବ୍ରହ୍ମ, କଅଣ ମିଛ ଓ କଳ୍ପନା ?
ଶରୀରଟି ମିଛ ମାୟା ପଞ୍ଜୁରୀଟିଏ
ସତେ କଅଣ ଶରୀରଟି ମିଛ ମାୟା ପଞ୍ଜୁରୀଟିଏ?
ଆତ୍ମା ମୋର ତାହାରି ଭିତର,
ରହିଛି, ଏହା ତ ମୁଁ ବୁଝିଛି,
ମଣିଷର ଆତ୍ମା ଶରୀର ଛାଡଇ,
ରହିଛି କି ନାଁ ଆତ୍ମା ବନ୍ଦୀ ହୋଇ ,
ଏହା ମୁଁ ଆଜି ପର୍ଯ୍ୟନ୍ତ ଜାଣି ପାରିଲିନି,
ବୁଝି ପାରିଲିନି,
ମୁକ୍ତ କିଏ ଦିଏ ?
ମୁକତି ପରେ କୁଆଡେ ଯାଏ?
ଜାଣିବା ଅତୀବ କଷ୍ଟ,
ଜାଣିବାକୁ ଚାହିଁଲେ ପଶୁଛି ଗୋଲକ ଧନ୍ଦାରେ,
ଭାବୁଛି ଯଦି କେହି ଏୈଶ୍ୱରୀୟ ଶକତି ରହିଛି,
ଏ ଗୋଲକ ଧନ୍ଦାରୁ ବାହାରିବା ନମିତ୍ତ,
ମୋ ହାତ ଛାଡ଼ି ଦେଇଛନ୍ତି କିଆଁ ?
କେଉଁ ଉଦ୍ଦେଶ୍ୱରେ?
ନା ମୋତେ ଭୁଲି ଯାଇଛନ୍ତି,
ଇଚ୍ଛାରେ ନଚାଉଛନ୍ତି କାହିଁକି ?
ତାଂକର ଇଛାରେ ଚାଲେ ଯଦି ଜଗତ,
ମୁଁ ଯଦି ନିମିତ୍ତ ମାତ୍ର,
ମୋର ଜାଣି ନପାରିବାର ଅପାରଗତା ପାଇଁ
ଦାୟି କିଏ ?
ସେ ନୂହଁନ୍ତି କି ?
ସେ ଥାଉ ଥାଉ,
କିପରି କହିବି ମୁଁ ଶରୀର ପଞ୍ଜୁରୀ ଭିତରେ ପରାଧୀନ,
ପ୍ରଶ୍ନ ଜୁଟେ,
ତେବେ କାହିଁକି ପୁଣି ଫେରିବି ଅନ୍ୟ ଏକ ଶରୀର ପାଖକୁ?
ପରମବ୍ରହ୍ମ ସୃଷ୍ଟି, କଅଣ ମିଛ ଓ କଳ୍ପନା ?