ଲାଇବ୍ରେରୀ
ପ୍ରୋଫାଇଲ୍
ପ୍ରଳୟ ପରେ
ପ୍ରଳୟ ପରେ
1 min
248
ସକାଳର କଥା ସଞ୍ଜକୁ ନଥାଏ
ଚହଲା ପାଣିର ଧାରେ
ତେବେ କିଆଁ ହଜେ ଲୁହର ଠିକଣା
ଏତେ ବଡ଼ ଦୁନିଆରେ
ପ୍ରଳୟ ପରେ... ପ୍ରଳୟ ପରେ ...(0)
ଝଡ଼ ଦେଇଗଲା ଝଡର ଠିକଣା
ଯାତନାର ରଙ୍ଗ ମାଖି
ଜୀବନର ମାନେ ଖୋଜି ଖୋଜି ଏଠି
ସତହେଲା ମୂକସାକ୍ଷୀ
ଧରମ ଦାଣ୍ଡରେ ଧରମ ହିଁ ବଡ଼
କାନ୍ଦେ ଯିଏ ବହୁଦୂରେ...
ପ୍ରଳୟ ପରେ... ପ୍ରଳୟ ପରେ ...।(୧)
ଲୁହର ନଈରେ ନାଉରୀ ବାପୁଡା
କାତ ଖୋଜି ପାଏ ନାହିଁ
ଦୁଃଖର ନଉକା ଭାସି ଭାସି ଯାଏ
ବେଦନାର ଢେଉ ଛୁଇଁ
ବଞ୍ଚିବାଟା ଏଠି ମରୁଭୂମି ସମ
ଏତେ ପ୍ରତାରଣା ପରେ...
ପ୍ରଳୟ ପରେ... ପ୍ରଳୟ ପରେ...।(୨)
