ପ୍ରକୃତିର ଶୋଭା "ଡୋକ୍ରିଚଞ୍ଚରା"
ପ୍ରକୃତିର ଶୋଭା "ଡୋକ୍ରିଚଞ୍ଚରା"
ଓଡିଶା ପ୍ରଦେଶେ....
କଳାହାଣ୍ଡି ଜିଲ୍ଲାମଧ୍ୟେ,
କାଲିଗଡ୍ ଗାଁ ପାଖରେ...
ଅଛି ଏକ ଝରଣା,
ଘୁମର୍ ଝରଣାରୁ ଆରମ୍ଭ...
ଡୋକ୍ରିଚଞ୍ଚରା ତା ନାଆଁ l
ପ୍ରକୃତିର ଶୋଭାରେ...
ଲାଗେ ଯେମିତି...
ନୂଆବୋହୁ ଟିଏ...
ହୋଇଛି ସଜେଇ...
ସବୁଜ ଶାଢ଼ି ପିନ୍ଧି l
କୁଳୁ କୁଳୁ ମଧୁରସ୍ଵରେ...
ଝରଣାଟି ବହିଚାଲେ,
ଦେଖି ତାକୁ ଯାତ୍ରୀ ଟିଏ...
ଆତ୍ମ ବିଭୋର ହୋଇପଡ଼େ l
ଗଛଲତା, ଫୁଲଫଳ,
କୁସୁମେ କୁସୁମିତ,
ବନ୍ୟପ୍ରାଣୀ ସାଥେ...
ସୁନ୍ଦର ବିହଙ୍ଗ ଦଳ l
ପାହାଡର ଉହାଡୁ...
ଉଙ୍କି ମାରୁଛି ରବି,
ଦେଖି ଶୋଭାରାଶି...
ଆଖି ଝଲସି ଉଠୁଛି l
ରାମ ମନ୍ଦିର ସାଥେ...
ଡୋକ୍ରି ମାଁ ମନ୍ଦିର ଅଛି,
ରାମନବମୀ ଦିନ...
ଉତ୍ସବ ମୁଖର ହୁଅଇ l
ଝରଣା ପାଣି...
କାଲିଗଡ୍ ଝିଲ୍ ରେ...
ଜମା ହୁଅଇ ଯାଇ...
ଦେଖି ପକ୍ଷୀରାଶି,
ଚିଲିକା ସଦୃଶ...
ପ୍ରତୀତ ହୁଅଇ l
ପାଖେ ଗୁଡ଼ହାଣ୍ଡି ଗୁମ୍ଫା...
ଅଛି ପ୍ରାଚୀନ କିମ୍ବଦନ୍ତୀ,
ଏସବୁ ଐତିହ୍ୟ ପାଇଁ...
ଗର୍ବିତ ଆଜି କଳାହାଣ୍ଡି ।।