ପ୍ରକୃତିର ପ୍ରକୋପ
ପ୍ରକୃତିର ପ୍ରକୋପ
ଅଚାନକ ଏକ ଅଜଣା ଭୂତାଣୁ
ମାଡି ଆସେ ବିଶ୍ୱ ଆଡେ
ଧନୀ ଗରିବ ନିର୍ବିଶେଷରେ
ସଭିଙ୍କୁ କବଳିତ କରେ।
ଅଜେୟ ପରି ସେ ବ୍ଯାପି ଯାଇଅଛି
ବିଶ୍ୱବ୍ୟାପୀ ସାରା ଦେଶେ
ଶ୍ରେଷ୍ଠ ଜୀବ ମଣି ଏ ମଣିଷ ସମାଜ
କରୁଥିଲା ଯେତେ ଗର୍ବ
ବିଳାସ ବ୍ୟସନେ ମଜ୍ଜି ରହି ଯେତେ
ସଞ୍ଚିଥିଲା ଅହଂକାର
କ୍ଷଣିକ ମଧ୍ୟରେ ଚୁରମାର ହେଲା
ଥରହର ସାରା ବିଶ୍ୱ।
ବୁଝି ସେ ନ ଥିଲା
ପ୍ରକୃତି ଉପରେ ଅତ୍ୟାଚାର କଲେ
ଭୋଗିବାକୁ ହେବ ଫଳ
ବିଶ୍ୱତମାମ ଏକାଠି ହୋଇ ବି
ନ କମଇ ତାର ବଳ।
ଅଣ ନିଶ୍ୱାସୀ ଆଜି ବିଶ୍ୱଜୀବନ
ବୁଦ୍ଧିବଣା ଞାନୀ ଗୁଣୀ
ବିଶ୍ୱ ବିପତ୍ତି ଏ 'କରୋନା' ଭୂତାଣୁ
ଦେଖି ଏ ସମାଜ ସ୍ଥାଣୁ।
ବୁଝିବାକୁ ହେବ
ସବୁ କର୍ମଫଳ
ପ୍ରକୃତି ସାମ୍ନାରେ ସବୁ ଦୁର୍ବଳ।
ଆଜିର ଏ ବେସାହାରା ମଣିଷ
ଭୋଗୁଛି କେତେ ଦୁଃଖ କଷ୍ଟ
ଏବେ ମଧ୍ୟ ସମୟ ଅଛି
ସତର୍କ ରୁହ
ପ୍ରକୃତିକୁ ଭଲପାଅ
ନଚେତ ଗ୍ରାସିବ ଏ ଅଜଣା ବ୍ୟାଧି
ଲୋପ ପାଇବ ମଣିଷ ଜାତି।