ପ୍ରକୃତି ଓ ମଣିଷ

ଶିଳ୍ପ ନାମରେ ମଣିଷ ଆଜି 

ପ୍ରକୃତିକୁ କରେ ଧ୍ବଂସ 

ନିଜପାଇଁ ନିଜେ ଘାତକ ସାଜିଛି 

ପିଉଛି ମୃତ୍ୟୁର ବିଷ l

ଜଙ୍ଗଲକୁ କାଟି ପାହାଡ଼କୁ ତାଡି 

ଧ୍ବଂସ କରେ ପରିବେଶ 

ଦୈବ ଦୁର୍ବିପାକ ଜ୍ୱାଳାରେ ପୃଥିବୀ 

ଅକାଳରେ ଯିବ ନାଶ l

ବିଜ୍ଞାନ ବଳରେ ଅନ୍ଧ ଆଜି ଏଇ 

ସମଗ୍ର ମାନବ ଜାତି 

ନିଜ ସ୍ୱାର୍ଥ ପାଇଁ ଲୋଡ଼େ ନାହିଁ କେବେ 

ପ୍ରକୃତିର ସହମତି l

ନଦ ଠାରୁ ନଦୀ ସାଗର ଜଳଧି 

ସବୁଠି ଭରିଛି ବିଷ 

ରୋଗ ଶୋକ ବ୍ୟାଧି ରଚୁଛି ତାଣ୍ଡବ 

ଅସହାୟ ଏ ମଣିଷ l

ନିଜର ଭିଆଣ ନିଜ ପାଇଁ ଆଜି 

ବିପଦ ଆଣିଛି ଡାକି

ଆଜି ଏ ପ୍ରକୃତି ବିଷ ବଳୟରେ 

ବିଷାଦ ଯାଇଛି ଢାଙ୍କି l

ଅହରହ ଏଠି ମୃତ୍ୟୁର ତାଣ୍ଡବ 

ଜୀବନ ଲାଗୁଛି ବାଜି 

ଦୈବ ଦୁର୍ବିପାକେ ପ୍ରକୃତିର କୋପେ

ମଣିଷ ଯାଉଛି ହଜି l

ଜଳ ଠାର ଜମି ଜଙ୍ଗଲ ପର୍ଯ୍ୟନ୍ତ 

ସବୁ ଆଜି ଧ୍ବଂସଗାମୀ 

ବିକାଶ ନାମରେ ବିନାଶର ଛାଇ 

ବ୍ୟାପିଛି ଭୂମା ଠୁ ଭୂମି l

ହେ ମାନବଜାତି ଶୁଣ କର୍ଣ୍ଣ ପାତି 

ପ୍ରକୃତିର ଆର୍ତ୍ତନାଦ 

ନୀରବି ଯାଇଛି ନୀରବତା ଏଠି 

ଦୃଶ୍ୟ ହୀନ ତା'ର ଖେଦ ।