ପ୍ରକୃତି ବଞ୍ଚାଅ
ପ୍ରକୃତି ବଞ୍ଚାଅ
ପ୍ରକୃତି ବଞ୍ଚିଲେ ଜୀବନ ବଞ୍ଚିବ
ବଞ୍ଚିବ ଏଇ ଧରା
ପ୍ରକୃତିର ରକ୍ଷା ନକରିପାରିଲେ
ଜୀବନ ଦିଶା ହରା l
ପରିବେଶ ଯେବେ ହୋଇଯିବ ଧ୍ବଂସ
ବଞ୍ଚିବାଟା ହେବ କଷ୍ଟ
ପ୍ରକୃତିକୁ କେବେ କରନି ଉପେକ୍ଷା
କରନାହିଁ ତାକୁ ନଷ୍ଟ l
ଏ ଜୀବଜଗତର ଜୀବନଧାରା
ଅଟେ ଏ ପ୍ରକୃତି ରାଣୀ
ପ୍ରକୃତି ବଞ୍ଚିଲେ ଜଗତ ବଞ୍ଚିବ
ବଞ୍ଚିବେ ସକଳ ପ୍ରାଣୀ l
ବୃକ୍ଷ ତରୁ ଲତା ସାଗର ସରିତ
ସଭିଏଁ ଆମର ମିତ
ତାଙ୍କର ସୁରକ୍ଷା କର୍ତ୍ତବ୍ୟ ଆମର
ଚିନ୍ତିବା ତାଙ୍କର ହିତ l
ସବୁଜ ବନାନୀ ଶିଖରୀ ଭୂଧର
ପ୍ରକୃତିର ଅଟେ ଅଙ୍ଗ
ତା'ର ଅପଚୟ ରଚିବ ପ୍ରଳୟ
ମେରୁଦଣ୍ଡ ହେବ ଭଙ୍ଗ l
ପ୍ରକୃତିର ରୋଷ କରିଦେବ ଧ୍ବଂସ
ବିଗିଡ଼ିଲେ ସନ୍ତୁଳନ
ମହାପ୍ରଳୟର ତାଣ୍ଡବ ରଚିବ
ମହୀ ହେବ ଶିରୀହୀନ l
ଜୀବନ ଜୀବିକା ହୋଇବ ବିପନ୍ନ
ପ୍ରକୃତି କରିଲେ ରୋଷ
ଏ ଜୀବଜଗତ ହା'ହୁତାଶରେ
ଅଚିରେ ହୋଇବ ଶେଷ l
ପ୍ରକୃତି ସୁରକ୍ଷା ମଞ୍ଚ ଗଢି ଆମେ
ଚଳାଇବା ଅଭିଯାନ
ପ୍ରକୃତି ବଞ୍ଚିଲେ ଜଗତ ବଞ୍ଚିବ
ହେଉ ଆମ ସ୍ଲୋଗାନ l