ପ୍ରକାର ଭେଦର ହାତୀ

ଜଙ୍ଗଲେ ରୁହନ୍ତି ଜଙ୍ଗଲିଆ ହାତୀ

   କେତେ ଯେ ନିୟମ ନୀତି

ହେଲେ ବାଟ ବଣା ନିୟମରୁ ସିନା

    ସମସ୍ୟା ଆସଇ ଘୋଟି

    ସତ ମିଛ ଫେଣ୍ଟା ଫେଣ୍ଟି

ନିରୀହ ଜଙ୍ଗଲି   ହାତୀଟି ବିଚାରି

     ନୀରବେ ସହେ ବିପତ୍ତି ।

ସତ ମିଛ ଫେଣ୍ଟି  ମାଟିଆ ହାତୀଟି

   ଗୋଡେଇ ଗୋଡେଇ ମାରେ

ଅସରପା ପରେ  କାଣି ବିଲେଇରେ

    ମାଲିକ ଜାହିର କରେ

    ବଡ଼ ଦନ୍ତା ହାତୀ ବୁଲେ

ପାଏନି ଦଉଡ଼ି     ଧରିବାକୁ ଭିଡ଼ି

    ଆଇନି ତା ପକେଟରେ ।

ଆଇନ ଫାଶରେ    ଡହଳ ବିକଳେ

    ଜଙ୍ଗଲିଆ ଛାଟି ପିଟି

ଲୁଟିବ ବୋଲି ତ    ସଜେଇଛି ଅସ୍ତ୍ର

     ଥାକରେ ବହି ସାଇତି

     ଏଇ ଆମ କଳା ହାତୀ

ଓଡ଼ଶ ଉକୁଣୀ      ଭଳି ଝୁଣି ଝୁଣି

      ରକତ ଶୋଷି ପିଅନ୍ତି ।

ଗୁଲୁ ଗୁଲୁ ଦେହେ  ଧଳା ହାତୀ ରୁହେ

      ଶୀତ ତାପ ନିୟନ୍ତ୍ରଣେ

ଜଗଙ୍ଗଲିଆ ହାତୀ   ଫସଲ ଖାଇଲେ

      ବାନ୍ଧଇ ନୀତି ନିୟମେ ହେଲେ,

ତାଙ୍କ କଥା କେ ନ ଜାଣେ

ଦେଶର ସମ୍ପତ୍ତି      ଲୁଟି ଖାଉଛନ୍ତି 

      ଭଲ ନାହିଁ କେହି ଜଣେ ।