କାନ୍ଦୁଛି ଖରସ୍ରୋତା

କାନ୍ଦୁଛି ପ୍ରକୃତି କୁମ୍ଭୀରର ଜାତି

କାନ୍ଦଇ ଆଜି ଜନତା l

କାନ୍ଦେ ଜଳ ଚର ବନ୍ୟ ଜନ୍ତୁ କୁଳ

କାନ୍ଦୁଛି ମା ଖରସ୍ରୋତା ll

କାନ୍ଦୁଛି ହେନ୍ତାଳ ବିଲ ବଣ ନାଳ

କନ୍ଦାଇ ବୃକ୍ଷ ରାଜି l

ଭବିଷ୍ୟତ ପ୍ରତି ନାହିଁ ଦୁରଦୃଷ୍ଟି

ଜୀବନୀତ ସେ ହଜି ll

ମଧୁର ଜଳ ଯେ ନ ହେବ ଲୁଣିଆ

କହିବ କିଏ ତା କଥା l

ଲକ୍ଷ୍ୟ ଲକ୍ଷ୍ୟ ଜୀବ ଜନ୍ତୁ ସରୀସୃପ

ଯିବନି ତ ତାଙ୍କ ମଥା ll

ପ୍ରକଳ୍ପ ତ ବହୁ ଜାଗାରେ ହେଉଛି

ବୁଝନ୍ତିନି ପର କଥା ll

କାମ ସରିଗଲେ ଯିଏ ଯାହା ବାଟେ

ଭୁଲନ୍ତି ସଭିଙ୍କ କଥା ll

ପ୍ରକୃତିର ରକ୍ଷା ପାଇଁ ଯେ ସୁରକ୍ଷା

ହଜାରେ ନିୟମ ଖାଲି l

ପ୍ରତି କ୍ଷଣ ଏଠି ନଷ୍ଟ ତ ହେଉଛି

ନେତା ଦେଖି ଯାନ୍ତି ଚାଲି ll

ନିତି କଟା ଯାଏ ଶହ ଶହ ବର୍ଷ

କେଡେ ମହା ବଳ ଦ୍ରୁମ l

ବୃକ୍ଷର ସୁରକ୍ଷା ସତେ ନ୍ୟୁନ ଆଜି

ହଜି ଲାଣି ପ୍ରାଣୀ ନାମ ll

ଖରସ୍ରୋତା ଅଛି ରହିବ ସେମିତି

ସେ ମା ପରା ଆମର l

ରକ୍ତ ଦେବୁ ପଛେ ଦେବୁ ନାହିଁ ଜଳ

ସୁରକ୍ଷା ତା ଦରକାର ll